Meşa dirêj ya ku di çarçoveya pêngava "Ji Abdullah Ocalan re azadî, ji pirsgirêka kurd re çareseriya demokratîk" de hatî destpêkirin, di roja duyemîn de li bajarê Elmanyayê Ludwigdburgê dewam kir.

 

Çalakiya bi beşdariya enternasyonalîstan û ciwanên Kurd hat lidarxistin. Meşvan sibehê li pêşiya Stasyona Trênê ya Ludwigburgê kom bûn û wê heta navenda bajarê Stuttgartê bi qasî 17 kîlometreyan bimeşin û êvarî dê li Stuttgartê beşdarî merasîma bibîranîna pakrewanan bibin. 

 

Bernameya Meşê:

 

* 12 Sibat Stuttgart (Roja 3’yemîn)

 

Girse wê sibehê saet 08.00’an li pêşiya Stasyona Trênê ya Stuttgartê kom bibe û piştî meşa 21 kîlometreyî dê bigihêje Boblingenê. Êvarî jî dê li NCKD’ê semînereke bi navê “Jinên Ciwan û Zayenda Civakî” bê lidarxistin.

 

* 13 Sibat (Roja 4’emîn)

 

Çalakvan wê li pêşiya Stasyona Trênê ya Offenburgê kom bibin û ber bi navenda bajarî ve dê 19 kîlometreyan bimeşin. Êvarî wê li Lahrê semînerek li ser “Têkoşîna Enternasyonalîst” bê lidarxistin.

 

* 14 Sibat (Roja 5’emîn)

  

Girse wê saet 08.00’an de li Qada Freiburg Golf Dietenbachê kom bibe û dê li ser cadeyên herî qerebalix ên bajarî meşeke 8 kîlometreyî bê lidarxistin. Bername Navenda Civaka Kurd a Demokratîk a Freiburgê dê bi çalakiya “Xwendinek li ser Rêbertî” bi dawî bibe. 

 

* 15 Sibat (Roja 6’emîn)

 

Serê sibehê di saet 07.00’an de bi otobusan ber bi Strasbourgê ve bi rê bikevin. Meşvan dê li navenda hevdîtinê beşdarî çalakiyên girseyî bibin.