AMED - Şaredariya Bajarê Mezin a Amedê, ji bo 21'ê Sibatê Roja Zimanê Dayikê, wê gelek çalakiyan pêk bîne.

 

Serokatiya Daîreya Çand û Karên Civakî, Roja Zimanê Dayikê ya 21'ê Sibatê bi çalakiyên cur bi cur pîroz dike. Bernameya ku heta 22'ê Sibatê didome, van çalakiyan digire nav xwe: fîlm, şano, panel, konsert, dîwana dengbêjan û çîrokbêjî.

 

Çalakî dê li Dêra Surp Giragos û Navenda Çandê û Kongreyan ya ÇandAmedê pêk werin. Bernameya çalakiyan 8'ê Sibatê bi paneleke bi sernivîsa "Migirdîç Dîkranyan û Nivîsarên Kurdî bi Tîpên Ermenî" li Dêra Surp Giragosê dest pê dike. Di panelê de Prof. Dr. Bulent Bilmez, Abdurrahman Yigitalp, Artun Gebenlioglu, Îrfan Çagatay, Serhat Bozkurt û Tahir Baykuşak wê beşdar bibin.

 

Bernameya Roja Zimanê Dayikê wiha ye:

 

*17'ê Sibatê Duşem: "Keçika Reş" 

 

* 18'ê Sibatê Sêşem: "Neteweya Nepen" 

 

*20'ê Sibatê Pêncşem: "Her Mal Dibistanek"

 

 Dîwana Dengbêjan, helbest û muzîk

 

19'ê Sibatê çarşemê, bi performansa Ayhan Erkmen, Sidiqê Farqînî û Serkanê Bismilî şeva çîrokbêjiyê û dengbêjiyê pêk were. 

 

20'ê Sibatê Pêncşem, şanogeha "Strip-Tease" bi beşdariya Zeycan Ateş, Lokman Baran û Sena Ozbeyê were pêşkêşkirin.

 

21'ê Sibatê În, piştî resepsiyona Roja Zimanê Dayikê li Navenda Çandê û Kongreyan ya ÇandAmedê, şeva Kirmanckî/Zazakî dest pê dike. Piştre, bi beşdariya Celo Boluz, Derya Cengîz, Eylul Nazlier, Xoser Rayirwan, Wusar, Bedriye Topaç, Omer Barasi, Îdris Yazar û Mem Keleş Çilek helbest û muzîk têkel dibin.

 

Çalakiyên Roja Zimanê Dayikê bi konserta hunermendan Ayfer Duzdaş û gruba Lawje di 22'ê Sibatê Şemî de bi dawî dibin.

 

Bernameya Çalakiyan

 

* 8 Sibat Şemî, saet 16:00 - Panel li Dêra Surp Giragos

 

* 17 Sibat Duşem, saet 19:00 - Fîlm "Keçika Reş" li Navenda Çand û Kongreyan ya ÇandAmedê

 

*18 Sibat Sêşem, saet 19:00 - Fîlm "Neteweya Nepen"

 

*19 Sibat Çarşem, saet 19:00 - Şeva Çîrokbêjî û Dengbêjan

 

*20 Sibat Pêncşem, saet 19:00 - Fîlm "Her Malek Dibistanek"

 

*20 Sibat Pêncşem, saet 20:00 - Şanogeha "Strip-Tease"

 

* 21 Sibat În, saet 17:30 - Resepsiyona Roja Zimanê Dayikê

 

* 21 Sibat În, saet 19:00 - Şeva Kirmanckî/Zazakî

 

*22 Sibat Şemî, saet 19:00 - Konser bi destê Ayfer Duzdaş û gruba Lawje