Hîkmet Tunç

 

WAN - Şehrîban Dînç a doza berdanê vekir, roja tedbîra parastina wê qediya, ji aliyê Esat Dînç ve hat qetilkirin.  Der barê Esat de 7 meh şûnde ji aliyê serdozgeriya Komarê ya Wanê ve îdianame hat amadekirin.  Di îdianameyê de  dozger diyar kir ku ew bi îfadeyên Esat bawer nakin û got bi plan kuştin pêk aniye.Şehrîbana ku rastî tehdîda Esat dihat daxwaza parastinê kiribû û polîsan gotibû ‘em nikarin serê jinekê polîsekî bidin, biçe mala xwe.’

 

Şehrîban Dînç a 22 salî ya li Îpekyola Wanê dijiya, doza berdanê li hevjînê xwe Esat Dînç vekir û rastî tehdîda mirinê hatibû.   Ji bo Şehrîbanê du meh biryara tedbîra parastinê hatibû dayîn. Lê Şehrîbanê roja ku biryara tedbîrê qediya di 26’ê Qanûna 2016’an de hat qetilkirin.  Esat ê Şehrîban qetil kir li gundê Kumluca rojek şûnde hatibû girtin.

 

Îdianameya derbarê Esat de 7 meh şûnde ji aliyê serdozgeriya Komarê ya Wanê ve hat amadekirin.  Esat di çarçoveya îdianameya ku ji aliyê Yekemîn Dadgeha Cezaya Giran a Wanê ve hat qetilkirin de, wê di 13’ê cotmehê de derkeve pêşberî dadger.

 

Di îdianameyê de hincetê Esat hatin rêz kirin û her wiha agahiya çeka ku bi 2 hezar û 150 TL’yî jî girtiye cih girt. Li gorî îdianameyê Esat beriya Şehrîbanê qetil bike, çek girtiye û piştî qetilkirinê çûye cem xizmên xwe.   Zarokên Şehrîbanê yên şahidiya bûyerên kirin jî bi hevkariya parêzer û pedagog îfade dan. 

 

Yekemîn runiştina doza  Esat Dînç  di 13’ê Cotmehê de li Yekemîn Dadgeha Cezaya Giran a Wanê wê bê dîtin.