NAVENDA NÛÇEYAN -Şandeya Jinan a Rojava li Zurîhê bi rêxistinên jinan re civiya û ji bo çareseriya demokratîk a li Sûriyeyê banga piştevaniya navneteweyî kir. Şandeyê bal kişand ser rola Swîsreyê ya ji bo mafên mirovan û demokrasiyê û peyama "divê hîn aktîftir bibe" da.

 

Şandeya Jinan a Bakur û Rojhilatê Sûriyeyê li bajarê Zurîh ê Swîsreyê bi rêxistinên jinan û komên piştevaniyê re civiya. Şandeyê têkildarî têkoşîna jinan, ezmûna xweseriyê û lêgerîna çareseriya demokratîk peyam dan.

 

Şandeya Jinan a Bakur û Rojhilatê Sûriyeyê di saetên nîvro de beşdarî weşana taybet a Radyo Lora bû û têkildarî geşedanên li Sûriye û Rojava agahî dan. Endamên şandeyê destnîşan kirin ku armanca serdanên li Ewropayê, tevkariya ji bo “avakirina Sûriyeyek demokratîk e”.

 

Di saetên şevê de şande tevlî civîna li Feministisches Streikhaus (Mala Grevê ya Femînîst) bû. Şandeyê bi organîzasyona Komîteya Rojava, Meclîsa Jinan a Beriyan û Pira Xwişk-Biratiyê ya Zurîh-Amed geşedanên li herêmê ragihand.

 

Şande ji Hevseroka Meclîsa Jinan Emîne Omer, Berdevka Meclîsa Jinan a Sûriyeyê Muna El Yusif, Berdevka Civata Jinan a Zenûbiya Şehrezad El Casim, endama Koordînasyona Kongra Star Jiyan Hisên û rêvebera Yekîtiya Jinên Suryanî Jorjêt Bersûm pêk tê. Delegasyonê têkildarî rola jinan, ezmûna xweseriyê û xeteriyên siyasî nirxandin kir.

 

Têkoşîn didome

 

Endamên şandeyê destnîşan kirin ku hikûmeta demkî ya ji bo 5 salan hatî avakirin, di hiqûqa navneteweyî de ti pêşwaziya wê nîne û diyar kir ku zagona bingehîn encex bi hikûmeteke mayînde derbasdar e. Hat diyarkirin ku Ehmed El Şara ji sêyan yekê parlamentoyê li gorî îradeya xwe tayîn kiriye, ev yek derhiqûqî ye.

 

Şandeyê bal kişand ser girîngiya qursên pîşeyî yên ji bo jinan hatine vekirin û got, “Şoreşa Rojava şoreşeke jinê ye, parastina wê wezîfeya esas a jinan e.”

 

Delegasyonê diyar kir ku tevgera jinan helwesteke dijberê mêran raber nake û ev tişt got, “Em li hemberî hevdû rêzdar in, em li hemberî mêran jî rêzdar in. Ev têkoşîn têkoşîna azadiya civakî ye.”

 

‘Çareserî xweserî ye’

 

Şandeyê diyar kir ku çêkera navendî gel anîne dijberê hevdû û destnîşan kir ku çareserî modeleke Sûriyeyê ya navendî ya adem-î ye. Ev tişt jî hate gotin, “Xwerêvebirina her herêmekê dê mafên hemû gelan û jinan bixe bin ewlehiyê.”

 

Şandeyê bal kişand ser encamên neyînî yên şer û diyar kir ku 20 hezar birîndar û bi hezaran nûner têkoşînê didomînin. Şandeyê got, zagona bingehîn a nû divê bi tevlîbûna hemû gelan were amadekirin.

 

Şandeyê hevdîtinên xwe yên li Ewropayê jî ragihand û anî ziman ku gelek welat naxwazin meseleya Kurd bikin rojev, lê belê mijar bi taybetî ji Tirkiyeyê li ser rojeva navneteweyî hatiye rûnişkandin. Delegasyonê îşaret bi rola Swîsreyê ya têkildarî mafên mirovan û demokrasiyê kir û got, “Zexteke erênî heye, lê belê Swîsre niha li cihê rast nîne.”