NAVENDA NÛÇEYAN - 56 şexsiyet û saziyên Îtalî ji Serokê Komîteya Wezîran a Konseya Ewropayê re Xavier Bettel re nameyek şandin û xwestin ku ji bo azadiya Rêberê PKK’ê Abdullah Ocalan berpirsyartiyê li xwe bigirin. 

 

Pêngava “Ji Ocalan re Azadî, ji pirsgirêka Kurd re çareseriya siyasî” ku di 10'ê Cotmeha 2023'yan de hat destpê kirin, li seranserê cîhanê her ku diçe mezin dibe. Di vê çarçoveyê de 56 kesayetên Îtalî û 26 saziyan ku siyasetmedar, parlamenter, hunermend, nivîskar, hiqûqnas û aktîvîstên mafên mirovan jî di nav de ne, nameyek ji Serokê Komîteya Wezîran a Konseya Ewropayê (KE) Xavîer Bettel re şandin.

 

Di nameyê de şert û mercên îşkenceyê yên giran ên li ser Rêberê PKK’ê Abdullah tên ferzkirin û rola wî ya krîtîk a di çareseriya siyasî ya pirsgirêka Kurd de hat bibîr xistin. Di nameye de ji Komîteya Wezîran a Ewropayê hat xwestin ku ji bo mîsogerkirina azadiya fîzîkî ya Abdullah Ocalan bi berpirsyarî rabe.

 

Di nameyê de hat diyarkirin ku Abdullah Ocalan 26 sal in li Girtîgeha Îmraliyê di nava şert û mercên tecrîda giran de tê ragirtin û ev tişt hat gotin: “Di nava vê demê de mafên herî bingehîn ên birêz Ocalan hatin binpêkirin. Serdanên malbat û parêzerên wî ji ber polîtîkayên kêfî yên hikûmetên Tirk hatin astengkirin."

 

Di nameyê de biryara Dadgeha Mafên Mirovan a Ewropayê (DMME) ya sala 2014'an û biryarên Komîteya Wezîran a Konseya Ewropayê ya li ser Abdullah Ocalan a di navbera 17-19'ê Îlona 2024'an de hatin bibîr xistin.

 

DMME’yê di sala 2014’an de biryar da ku cezayê muebetê yê giran ê li Abdullah Ocalan hatiye birîn, bi temamî rê li pêşiya berdana bi şert girtiye û diyar kir ku ev yek li dijî peymana Mafên Mirovan a Ewropayê ye. Her wiha hatibû destnîşan kirin ku ji bo girtî bizanibin gelo di siberojê de şansê serbestberdanê heye yan nîne, divê Tirkiye rêziknameyên qanûnî di vê der barê de amade bike.

 

Komîteya Wezîran a Konseya Ewropayê di 17-19'ê Îlona 2024'an de zext li Tirkiyeyê kir ku li gorî biryara 2014'an a DMMEyê tev bigere. Komîteyê diyar kir ku eger heta 20'ê Îlonê ti pêşketin çênebe, ew ê pêşnûme biryara navberê amade bike.

 

Di nameyê de bal kişandin ser pêngava navneteweyî ya “Ji Ocalan re azadî, ji pirsgirêka Kurd re çareseriya siyasî” ku 10’ê Cotmeha 2023’yan dest pê kir û hat destnîşan kirin ku li cîhanê bj milyonan kes daxwaza azadiya fîzîkî ya Abdullah Ocalan dikin.

 

Name wiha ye: “Girîngiya siyasî ya birêz Abdullah Ocalan a di pevçûna Kurd û Tirkan de nayê paşguhkirin. Piştî ku Tirkiyeyê Bakurê Iraq û Sûriyeyê dagir kir û operasyonên leşkerî domandin, pevçûna Kurd û Tirkan ji sînorên Tirkiyeyê derbas bû û bû pirsgirêkeke herêmî. Çareseriya vê pirsgirêkê dikare ji hemû Rojhilata Navîn re çareseriyê bîne.”

 

Di nameyê de bal kişandin ser hewlên navneteweyî yên ji bo azadiya Abdullah Ocalan û wiha hat gotin: “Ji xeynî 69 kesên xwedî xelata Nobelê, ji pîşeyên cuda weke parêzer, aktîvîst, entellektuel, rayedar, hunermend, siyasetmedar nêzî 1500 kesî û Kurdan û dostên wan bangî Konseya Ewropayê û Serokkomarê Tirkiyeyê kirin. Ev bang ji bo dawîlêanîna pergala îşkenceyê ya Îmraliyê û serbestberdana birêz Ocalan bû. Her wiha bi armanca pêkanîna azadiya birêz Ocalan gelek torên navneteweyî hatin avakirin û ev hewl îro jî bi biryardarî didomin.”

 

Di nameyê de behsa hevdîtinên dawî yên bi Abdullah Ocalan re jî hat kirin û hat diyarkirin ku ji bo bi temamî vekirina deriyên Îmraliyê û pêkanîna azadiya fîzîkî ya Abdullah Ocalan, berpirsiyariyeke gelek mezin dikeve ser milê Konseya Ewropayê. Name wiha domiya: “Bi saya zexta Konseya Ewropayê û rêxistinên sîvîl û siyasî yên ji çar aliyê cîhanê, serdana ji bo Ocalan a Şandeya DEM Partiyê ya li girtîgehê geşedaneke erênî ye. Lê belê birêz Ocalan hîn jî mehkûmekî siyasî ye ku bi awayekî li dijî peyman û zagonên mafên mirovan ên navneteweyî girtin. Rewşa heyî nîşan dide ku ev gotina Nelson Mandela çiqas rast e; tenê mirovekî azad dikare mizakere bike.”

 

Di berdewama nameyê de hat diyarkirin ku divê Konseya Ewropayê êdî helwesteke çalak nîşan bide û wiha hat gotin: “Dema mirov pêşketinên dawî li ber çavan digire, êdî wext hatiye ku Komîteya Wezîran a Ewropayê ji bo çareseriya mayînde ya pirsgirêkê gavên şênber biavêje. Birêz Ocalan bi dehan caran aniye ziman ku tevî şert û mercên newekhev ew dilxwaz e ku çareseriyeke aştiyane peyda bike. Divê destûr bê dayîn ku Rêberê Kurd Abdullah Ocalan bi malbat û parêzerên xwe re hevdîtinan bike û da ku ew bikare ji bo peydakirina çareseriyeke adilane û demokratîk ji bo pirsgirêka Kurd a ku bi hehan salan e didome peyda bike, bê serbes berdan. Azadiya birêz Ocalan û çareserkirina pirsgirêka Kurd bi awayekî siyasî divê Komîteya Wezîran a Ewropayê êdî gavên hiqûqî, dîplomatîk û siyasî biavêje.”

 

Navê kesayet û saziyên name îmze kirine wiha ne: 

 

* Docent Giovanni Russo Spena, Zanîngeha Napolî, Parlamenterê berê û Berdevkê Komîteya Azadiya Ocalan.

 

* Domenico Gallo - Dadger û Senator

 

* Cesare Antetomaso -  Hiqûqnas

 

* Lisli Basso - Parêzvana Mafên Mirovan

 

* Franco Ippolito - Parêzvanê Mafên Mirovan

 

* Nicola Fratoianni - Parlementer

 

* Angelo Bonelli - Parlamenter

 

* Luana Zanella - Parlamenter

 

* Marco Grimaldi - Parlamenter

 

* Francesca Ghirra - Parlementer

 

* Giuseppe De Cristofaro - Senator

 

* Tino Magni - Senator

 

* Franco Mari - Parlamenter

 

* Filiberto Zaratti - Parlamenter

 

* Devis Dori - Parlamenter

 

* Alfonso Gianni - Siyasetmedar

 

* Luigi Vinci - Parlamenter

 

* Moni Ovadia - Şanoger

 

* Maurizio Acerbo - Siyasetmedar û sendîkavan

 

* Vincenzo Marcorelli - Sendîkavan

 

* Roberto Eufemia - Endamê Meclisa Şaredariya Romayê

 

* Gianni Piazza - Profesor li Zanîngeha Catania

 

* Prof. Fulvio Vassallo Paleologo - Associazione Diritti e Frontiere

 

* Liana Nesta - Parêzer

 

* Federico Venturini - Akademîsyen

 

* Rosanna Labbate - Fonti di Pace OdV

 

* Silvana Barbieri - Fonti di Pace OdV

 

* Andrea Cegna - Rojnamevan

 

* Laura Schrader - Senarîst û rojnamevan

 

* Alfonso di Stefano - Carovane Migranti

 

* Antonino De Cristofaro - Esec. Naz. cobas

 

* Alessio Scandurra - Antigone Onlus

 

* Benedetta Buccellato - ANPI

 

* Ambra D'Amico - Şanoger

 

* Teresa Isenburg - Li Zanîngeha Mîlanê profesor e

 

* Salvatore Cangemi - Siyasetmedar

 

* Alessandra Cangemi - Rojnamevan

 

* Solange Beatrice Laissy - Siyasetmedar

 

* Carla Zucchi - Siyasetmedar

 

* Mauro Compagnoni - Informatiksen

 

* Santuzza Angela Gennaro - Informatiksen

 

* Fabrizio Eva - Siyasetmedar

 

* Ilaria Salis - Parlamentera PE’yê 

 

* Augusta Pasquero - Karsazek jin e

 

* Giovanni Urro - Perwerdekar

 

* Lucia Zamparo - Perwerdekar

 

* Gianni Sartori - Rojnamevan

 

* Stefano Mannironi - Parêzer

 

* Alfonso di Stefano - Carovane Migranti

 

* Antonino De Cristofaro - Esec. Naz. cobas

 

* Marino Bisso - Rojnamevan

 

* Francesca Cella

 

* Graziella Mascheroni - Seroka CISDA’yê

 

* Piero Bernacchi - Berdevkê Yekitiya COBAS’ê

 

* Associazione Nazionale Giuristi Democratici

 

* CRED - Centro di Ricerca ed Elaborazione per la Democrazia

 

* ARCI Nazionale

 

* Confederazione COBAS

 

* COBAS Scuola SARDEGNA

 

* Confederazione COBAS DI TERNI

 

* Circolo di Sinistra Italiana "Peppino Impastato" ji Sesto San Giovanni

 

* Fillea Cgil di Roma e Lazio

 

* Associazione Ya Basta Bologna

 

* Rete #NoBavaglio

 

* Associazione Verso il Kurdistan Odv

 

* CUB- Confederazione Unitaria di Base

 

* ARCI Roma

 

* Cultura è Libertà

 

* ESC Atelier Autogestito

 

* CISDA Comitato Italiano

 

* Gruppo Anarchico C. Cafiero FAI Roma

 

* CLAP - Camere del Lavoro Autonomo e Precario

 

* Alkemia News Modena

 

* ASS. Senza Paura Genova 

 

* Associazione Senzaconfine

 

* Unicobas Scula & Universita

 

* Gruppo Insegnanti di Geografia Autorganizzati – Giga

 

* Associazione Melitea

 

* Italo Di Sabato (portavoce Osservatorio Repressione)    

 

* Punto Rosso, Roberto Mapelli Presidente

 

* Fonti di Pace ODV, Eleonora Bonaccorsi Presidente

 

* Laboratorio Andrea Ballarò di Palermo