WAN - Hevşaredarên Herêma Serhedê yên DEM Partiyî ji bo nîqaşkirina xebatên salekê û berpirsyartiya ji ber banga Abdullah Ocalan dikeve ser milê wan binirxînin, civiyan. 

 

Lijneya Rêveberiyên Herêmî yê Demokratîk a Partiya Wekhevî û Demokrasiyê ya Gelan (DEM Partî), li Navenda Çandê ya Bêrîvanê ya li Wanê bi sernavê “Bi rêveberiyên herêmî yên demokratîk re em civaka demokratîk ava dikin” civîn li dar xist. Hevşaredarên DEM Partiyî yên herêma Serhedê beşdar bûn. Cîgirê Hevserokên Giştî yê ji Lijneya Rêveberiyên Herêmî yên Demokratîk Berpirsyar Mehmet Ruştu Tîryakî û hevberdevka lijneyê Canan Kebenç Ozkan jî tev li bûn. 

 

Hevşaredarê Bajarê Mezin ê Wanê Abdullah Zeydan ku li şûna wî qeyûm hatiye tayînkirin, diyar kir ku bal kişand ser girîngiya rêveberiyên herêmî yên gel tê de xwedî gotin. Abdullah Zeydan, got ku ew şaredariyan bi beşdariya gel û dînamîkên civakê birêve dibin. Abdullah Zeydan, got ku di têkoşîna wan de ne gotina “ez” lê gotina “em” hene. 

 

Mehmet Ruştu Tîryakî jî got ku di çareseriya pirsgirêka Kurd de di qonaxeke krîtîk de ne û ev tişt anî ziman: “Birêz Ocalan bi banga xwe deriyeke nû vekir. Ji bo bidawîkirina têkoşîna çekdarî ya 40 salî, domandina vê têkoşînê ya bi rê û rêbazên siyasî, ne bi şer lê bi axaftin û nîqaşan çareserkirina vê pirsgirêkê, gavên pir mezin avêt. Divê îktîdar jî li gorî daxwazên gel gavan biavêje. Azadiya birêz Ocalan bidin aliyekî, heta di mijara rakirina tecrîdê de jî gavek neavêtiye. Mafê hêviyê dikin mijara bazariyê. Em qala îktîdareke wiha dikin. Ji bo îktîdara siyasî di van mijaran de gavan biavêje, divê em bi hev re têbikoşin. Çav û guhê gelê Kurd li rêveberiyên herêmî ye. Divê em ji bîr nekin ku bi milyonan kes li benda vê ne.” 

 

Piştre jî civîn ji çapemeniyê re girtî domiya. Di civînê de li gel xebatên salekê yên şaredariyan, her wiha berpirsyartiya ji ber banga Abdullah Ocalan dikeve ser milê şaredariyan jî hate nîqaşkirin.