NAVENDA NÛÇEYAN - Bi wesîleya rojbûna Rêberê Gelê Kurd Abdullah Ocalan di navbera 4-10’ê Nîsanê de bi beşdarbûna bi sedan sazî û koman li pênc parzemînan û li dehan bajaran çalakiya 3’yemîn Rojên Xwendina Pirtûkên Abdullah Ocalan a Cîhanî hate lidarxistin.

 

Çalakiyên îsal, ji yên salên beriya niha cudatir ne bi xwendinên takekesî bi nîqaşên kollektîf, hevdîtinên felsefîk, lidarxistina çalakiyan û bangên hunerî hatin lidarxistin. Beşdarvan ne bi tenê weke çavkaniyeke teorîk di heman demê de weke alternatîfeke gengaz xwedî li fikrên Rêberê Gelê Kurd Abdullah Ocalan 

 

Fransa

 

Di çalakiya ku bi pêeşngtiya Collectif Internationaliste Marseille-Kurdistanê (CIMK) li Fraternité de la Belle de Maiyê hatî lidarxistin de li ser fikrên Abdullah Ocalan nîqaşên berfireh ên siyasî û felsefîk hatin kirin. Di çalakiyê de dareke zeytûnê ya ku li ser nivîsa "Aşitî ji şer dijwartir e. Dema em li ber xwe didin em natirsin, em ê di dema aşitiyê de jî netirsin" heyî, hate çandin.

 

Yewnanistan

 

Li bajarê Selanîk ê Yewnanistanê jî danasîna pirtûka Sosyolojiya Azadiyê ya çapa bi Yewnanî hate kirin. Nûnerên înîsiyatîfa navneteweyî û çapxaneyê  li ser mijarên pirtûkê yên weke rexneya zanistên civakî, paradîgmaya civaka demokratîk û nivîsên girtîgehê gotûbêj kirin. Nivîskarê navdar John Holloway jî bi awayekîonline beşdarî çalakiyê bû û têkildarî têkariyên Rêberê Gelê Kurd Abdullah Ocalan ên ji bo enternasyonalîzma nû û tecrûbeya wî ya li ser Platforma Gelên Ewropayê axivî.

 

Îtalya

 

Bi pêşengtiya Jinên Ciwan ên Enternasyonalist li xwezayê meşeke li xwezayê hate lidarxistin. Di kêliyên meşê de beşên ji pirtûkên Rêberê Gelê Kurd Abdullah Ocalan hatin xwendin û têkildarî azadiya jinan nîqaş hatin kirin. 

 

Li bajarê Chieriyê komeke ciwanan çalakiya xwendina bi komî li dar xist. Hin beşên pirtûkên Abdullah Ocalan hatin xwendin û têkildarî jiyan û têkoşîna Rêber Apo nîqaş hatin kirin. Ciwanan ev çalakiya xwe weke pêngaveke fikrî ya têkildarî pirsgirêkên civakî pênase kirin

 

Li bajarê Torînoyê ji aliyê Înîsîyatîfa Komuna Ciwanan a Torînoyê û Alba Rossa ve Orso Tekoşer ve çalakiyek hate lidarxistin û girêdayî Abdullah Ocalan a ‘’Aşitîû Civaka Demokratîk’’ li ser pirsgirêkên modernîteya kapîtalîst  û alternatîfên ku modernîteya demokratîk pêşkêş dike, gotûbêj hatin kirin.

 

Li bajarê Salernoyê jî ciwan û jin li hev kom bûn û li ser nirxandinên Abdullah Ocalan ên têkildarî azadiya jinan suhbet kirin. Di nîqaşan de li ser wateya gerdûnî ya şoreşa jinan a li Rojhilata Navîn jî nîqaş hatin kirin.

 

Katalonya

 

Li bajarê Barcelonayê jî ji aliyê ciwanên enternasyonalîst ve çalakiyek hate lidarxistin û gotinên Rêberê Gelê Kurd Abdullah Ocalan li gel zarokan hatin parvekirin. Çalakî weke destpêka ragihandina fikrên Rêber Apo ji bo nifşên nû hate pênasekirin.

 

Malî

 

Di 4’ê Nîsanê de li bajarê Bamako yê Maliyê bi pêşengtiya komîteya ciwanên UACDDDD’ê gelek jin û ciwan li hev kom bûn. Çalakî di çarçoveya tora ‘’Ciwan Dîrokê Dinivîsin’’ de hate lidarxistin û li ser têkoşîna Rêberê Gelê Kurd Abdullah Ocalan a li Kurdistanê ji bo azadiya jinan, Şoreşa Rojava û berxwedana Kobanê gotûbêj hatin kirin. Danezan hatin belavkirin û beşên ji pirtûkên  Abdullah Ocalan hatin xwendin û çalakvanan soza têkoşîna ji bo azadiya fîzîkî ya Rêber Apo dan.

 

Endonezya

 

Li herêma Jakarta ya Endonezyayê ji aliyê Tora ABC+ karkeran ve li mekanekî polîtîk çalakiya xwendinê hate lidarxistin û di çalakiyê de pirtûkên Sosyolojiya Azadiyê û Nivîsên Girtîgehê yn Rêberê Gelê Kurd Abdullah Ocalan hatin xwendin. Çalakî di çarçoveya vegotin û xwerexnekirinê de hate lidarxistin û gelek kes beşdar bûn.

 

Di çalakiyê de banga ‘’Hûn Nikarin Fikran Asteng Bikin’’ derket pêş û hate diyarkirin tevî tecrîda giran jî fikrên Abdullah Ocalan belav dibin seranserê cîhanê. Beşdarvanan diyar kirin ku ew bi biryar in ku heya dabînkirina azadiya fîzîkî ya Abdullah Ocalan ew ê torên xwe yên piştevaniyê mezintir bikin.