Serkeftin giyana hedefe
- 09:05 2 Kanûn 2024
- Ji Pênûsa Jinan
"Dev jê bernede heval
Qet nekeve bêhêvîtî û bêmoraliyê
Em xurt in û pişta min li çiyayên me
Yên serbilind û bi heybetin
Bike hewar ji hemu gerdûnê re
Li ser rêça Sara, Rojbîn û Ronahiyan"
Gulî Daşçi
Em jî her roj di televizyon de dibînin ku tûndiya li ser jinê gihiştiye asteke çawa. Li hemberî vê tûndiyê em dibînin ku tekoşîna jinê gihiştiye asteke mezin û her roj jî ev tekoşîna bilintir dibe. Em bawer in ku wê jin bi tekoşîn û berxwedana xwe rojên reş û tarî bi dawî bînin. Bi vê münasebete di serî de jinên Kurd û yen Afgan em jinên ku li ber xwe didin pîroz dikin û serkeftinê dixwazin.
Îro rojeke pîroz û êvare di romana min de
Bêhna tîrejên rojê ketiye por û keziyên min
Dixwazim bireqisim û dansê bikim
Li ber taviyên barana pêşnîşanê
Ji gire hemu zîncîr û prangayên zerdestan re
Heta ku karibim herdu çengên xwe vekim
Wek teyr û çûkên baskazad bifirin
Li asoyan
Li ezmanan
Li dem û dewranan
Bila we pora min aku bi navê eybiyan hatî nixumandin
Bê şustin bi hêza bayê sozdariya doza mezin
Bila renge aşitiyê bide, serî hilde
Bila wsalet jê biriye, biherike
Dixwazim destekî min li germahiya têhna rojê be
Destekî min li kurahiya ruhê erdê be
Li seranserê lotkeya Gabar, Cudî û Sîpanan
Gaven dê bigirim tevî refên heval û hogiran
Roj bi roj zêdetir bibe qefila “Delîlo”
“Şexane” û “Semahan”
Bila navê serkeftinê be wek awayê xwebûnê
Bila navnîşana hemû mirovên pêşverû be ew awayê serxwebûnê
Her gava kû bavejim bi wê rê û ramanê
Yê zêrîn be ji bo wekheviya aslê jiyanê
Yê qêrîn be ji bo vexwandina her qadê û her meydanê
Ne qêrîna êş û janan,
Ne kenîna ji kul û êş ê,
Qêrîna ji keyf û coşê…
Ew e rastiya armanca min
Ew e giyana hedefa rêdûriya min!
Belbezîtank
Hemû per û peroşiyên azadiyê
Ji xwe re bibe
Bila ji te re bin
Bila yên te bin
Vîn, bixwebawerî û evîna rastîn…
Û hezkirina te!
Hezkirina te ya ji agirê vêjena hêviya jinê de
Hezkirina te ya di hêzdariya dirûşmên Viyan Soran de
Bila hemû bangawazî û vexwendinên tekoşînê bin
Bila hemû hîm û berhemên berxwedanê bin.
Bila bi israr û înat gavên te mezin bin
Li hember zalim û serdestan
Wek îrada firîna Teyrê Sîmurg
A ber bi bilindahiya Çiyayê Qaf ve
Eger kû min karîbûya bibim sîper (mertal)
Ji kedera koncalên çavên te re
Min ê yekser giyana canê xwe daniya ber
Jê re bikira çeper
Û veguheranda çarmedarên mîna senger
Min ê hemû bayên li rûyê te yê bêqusur ji dî dide
Xelat bikira bi diyariyên herî bi nirx
Ên cihana hemû mûcewheran
Da kû xêzîkek lê nedana
Û bi qasî xermîşa pêçiyên pitikekê jî zirar nedanê
Dev jê bernede heval
Qet nekeve bêhêvîtî û bêmoraliyê
Em xurt in û pişta min li çiyayên me
Yên serbilind û bi heybetin
Bike hewar ji hemu gerdûnê re
Li ser rêça Sara, Rojbîn û Ronahiyan
Ew bûn stêrkên herî geş ên li dora Roja xwe
Bêdudili gihiştin mirad û meqseda xwe
Çiqas sirûd û stranên me gur bin
Tilîlî û têkîliyên me xurt bin
Ji dil bin
Û bêtirs û xof bin
Em ê hewqasî zahftir bibin
Û zûtir bigihîjin azadiya xwe
Tam di wê keliyê de tu yê hîs bikî
Belbitankeke reng bi reng
Daniye ser spîtiya berfa dilê te
Êdî navê wê (belbêlîtankê) tu lê bike…
* Girtîgeha jinan a Amedê
