NAVENDA NÛÇEYAN- Ji bo mîtînga ku dê di 1’ê Îlonê, Roja Aştiyê ya Cîhanê de li Wan û Stenbolê were lidarxistin, belavok hatin belavkirin û gel ji bo beşdarbûnê hate vexwendin.

 

Di çarçoveya Roja Aştiyê ya Cîhanê ya 1ê Îlonê de, li Wan û Stenbolê belavok hatin belavkirin û ji welatiyan hate xwestin ku beşdarî mîtîngê bibin.

 

Wan

 

Platforma Ked û Demokrasiyê ya Wanê belavok belav kirin û banga beşdarbûna meşa aştiyê li gel kır. Herwiha banga tevlibûna panela ku dê di 1’ê Îlonê, Roja Aştiyê ya Cîhanê de li Wanê were lidarxistin kir. Murat Atabay berî belavkirina belavokan li ser navê platformê axivî û got, "Wekî beşek ji banga ji bo civakek demokratîk û aştiyê, Platforma Ked û Demokrasiyê ya Wanê rêzeçalakiyan plan lidar dixe. Di çarçoveya vê înîsiyatîfê de, em ê sibê saet di 14:00’an de li Baroya Wanê panelek li dar bixin. Roja Duşemê saet di 20:00’an de, em ê ji Bazara Sebze heta Parka Aştiyê ya Musa Anter meşek aştiyê li dar bixin. Em ê belavokên ku me amade kirine li gel belav bikin û wan vexwînin meşa aştiyê û panelê."

 

Piştre, girse ji ber Şekerbankê dest bi meşê kir û belavok li gel belav kirin, banga beşdarbûna meşa aştiyê kirin.

 

Stenbol

 

Hevseroka bajarê Stenbolê ya Partiya Wekhevî û Demokrasiyê ya Gelan ( DEM Partî) Arîfe Çinar, Parlamentera Agiriyê ya DEM Partiyê Nejla Demîr û Meclîsa Jinan a DEM Partiyê li Şîşliyê belavok belav kirin derbarê Mîtînga Aştiyê ya 1’ê Îlonê ku dê di 31’ê Îlonê de li Stenbolê were lidarxistin kirin.

 

Jinan li taxan belavok belav kirin, mirov vexwendin mîtîngê.