AMED - Duh bi şev rojnameger û nivîskar li midûriyeta polîsan îfade dan. Bi biryara Serdozgeriya Komarê ya Eskîşehîrê rojnameger û nivîskar ji bo îfade dayînê sewqê Edliya Amedê hatin kirin. 

 

Li Amed, Şirnex, Dêrsim, Bedlîs, Riha, Stenbol, Enqere, Îzmîr û Çanakkale jî di nav de li gelek bajaran bi ser malan de hate girtin û gelek kes hatin binçavkirin. Wezareta karên hundir da zanîn ku bi giştî li 31 bajaran bi ser malan de hatiye girtin û 231 kes hatine binçavkirin. Welatî, ev 3 roj in di bin çavan de ne. 

 

Rojnameger û nivîskar bi talîmata Serdozgeriya Komarê ya Eskîşehîrê li emniyetê îfade dan, dû re jî biryar da ku li Edliya Amedê bi rêya Sîstema Deng û Vîdyo û Agahdariyê (SEGBÎS) îfadeyan bigire.

 

Kesên di çarçoveya lêpirsîna wê Eskîşehîre de hatine binçavkirin wiha ne: “Roza Metîna (Seroka Komeleya Rojnamegerên Jin a Mezopotamyayê), Erdogan Alayumat (Rojnameger), Tugçe Yilmaz (Rojnameger), Bîlge Aksu (Rojnameger), Ahmet Sumbul (Rojnameger), Bîlal Seçkîn (Rojnameger), Mehmet Ucar (Rojnameger), Havîn Derya (Rojnameger), Sûzan Demîr (Rojnameger), Abdurrahman Aydin (Akademîsyen/Yazar), Ardin Dîren (Wegêr-Derhêner), Dogan Guzel (Karîkaturîst), Hîcrî Îzgoren (Helbestvan), Omer Barasî (Wergêr-Nivîskar), Baver Yoldaş (Koordînatorê Pirtûkakurdî) û Emrah Kelekçîer (Wênevan).”