WAN- Şaredariya Ebexê ji bo bicihanîna wekheviya zayendî û misogerkirina beşdariya çalak a jinan di biryardanê de, meclisa jinan ava kir. Avakirina meclisê diyarî Rojîn Kabaîş hat kirin.  

 

Şaredariya Ebexê di civînekê de ku di bin Rêveberiya Polîtîkayên Jinan de hat lidarxistin, bi armanca ku jinan bihêz bike da ku rolek çalaktir di rêveberiya herêmî de bilîzin û wekheviya zayendî xurt bikin, Meclisa Jinan avakir. Di civînê de, ku pankarta bi nivîsa "Jın jiyan e, jiyan xwebırêvebırın e" hebû, Hevşaredara Ebexê Hatice Atabay, endamên Lijneya Jinan a Bajêr, endamên meclîsa şaredariyê, karmendên şaredariyê û gelek welatiyên jin beşdar bûn.

 

Wekhevî û tevlibûn

 

Hatice Atabay diyar kir ku armanca wan xurtkirina hewildanên wekheviya zayendî, dîtina çareseriyan ji bo pirsgirêkên karmendên jin û pêşxistina projeyên ku hewcedariyên jinan li navçeyê çareser dikin e.

 

Meclis diyarî Rojîn Kabaîş hat kirin

 

Di dawiyê de, Hatice Atabay got, " Kuştina Rojin Kabaiş a xwendekara Zanîngeha Wanê ku cenazeyê wê 18 roj piştî windabûna wê,hate dîtin di serî de wekî xwekuştin hat raporkirin. Lêbelê bi saya têkoşîn û hewldanên jinan û malbata Rojînê derket holê ku mirina wê ne xwekuştin e.  wê xwekuştine. Em jî wekî Meclîsa Jinan a Ebaxê, diyar dikin ku em beşek ji vê hewildanê ne. Em biryardariya xwe ya ji bo zindî hiştina bîranîna Rojin, pêşvebirina lêgerîna edaletêû misogerkirina ku tU jinek din bi heman awayî ji jiyanÊ neyê qutkirin radigihînin. Bi diyarîkirina damezrandina meclîsa me ya Rojin Kabaiş re, em xwedî têkoşîna wê derdikevin."

 

'Jin dê di nav meclîsê de dest bi xebatê bikin'

 

Piştî ragihandina damezrandina meclîsê, Hatice Atabay ragihand ku mehek xebata zeviyê ya ku li gorî daxwazên jinan hatibû plankirin, çandina daran li navçeyê, têkoşîna li dijî tundûtûjiyê û kombûnên kedê dihewîne.

 

Civîn piştî ku daxwazên jinan hatin bihîstin û bi ferdî hatin tomarkirin, bi dawî bû.