AMED - Hevşaredara Sêrtê Sofya Alagaş di doza ku ji ber rojnamegeriyê dihat darizandin de 6 sal û 3 meh cezayê girtîgehê lê hat birîn. Piştî biryarê Sofia û piştevanên wê diyar kirin ku ev ceza siyasî ye û tê wateya êrîşa li dijî vîna gelê Kurd.  Sofia Alagaş got, "Ev gel heye û dê hebe."

 

Danişîna doza Hevşaredara Sêrtê Sofya Alagaş ku ji ber dozên di dema rojnamegeriya wê de hatibûn vekirin, li 5'emîn Dadgeha Cezayê Giran a Amedê hat dîtin. Di encama dozê de 6 sal û 3 meh cezayê girtîgehê li Sofyayê hat birîn.

 

Danişîna doza Hevşaredara Sêrtê Sofya Alagaş ku ji ber dozên di dema rojnamegeriya wê de hatibûn vekirin, li 5'emîn Dadgeha Cezayê Giran a Amedê hat dîtin. Ji bo piştgiriyê bidin Sofîa Alagaş, parlementerên Partiya Wekhevî û Demokrasiyê (DEM Partî) Sabahat Erdogan Saritaş, Adalet Kaya û rêveberên bajarê Sertê yên DEM Partiyê, der barê biryara di danişînê de hat dayîn de daxuyanî dan.

 

Ev gel we nas nake'

 

Sofia Alagaş a ku ewil di daxuyaniyê de axivî, diyar kir ku doz ji destpêkê ve ne hiqûqî ye. Sofya Alagaş, anî ziman ku doz dozeke ku rojnamegerên kurd û vîna wan nas nake û wiha got: “Vê dadgehê careke din dijminatiya dewletê ya li hemberî kurdan nîşan da. Ev doz hatiye lezkirin. Dosyayên wenda bûn, lêpirsîn hebûn. Dosyayên ku divê bihata yekirin hebûn. Dadgehê dev ji van hemûyan berda, lez da dozê û biryara xwe da. Hûn ê rojnamegerê kurd nas nekin, guh nedin wan, lê hûn ê bibêjin 'Em ê bi hev re li vî welatî bijîn'. Ev wê çawa bibe? Em dereweke meizn e. Hûn hemû cîhanê dixwapînin. Ger hûn ê vîna gel paşguh bikin, bijartinê nekin. Her kesê ku dengê xwe da me îro hat cezakirin. Tu kê ceza dikî?  Hûn her tiştî diceribînin lê hûn bi ser nakevin. Em hene, em ê hebin. Bi vî awayî hûn ê bizanibin, divê hûn bizanin. Em li vî welatî bi hev re ne, hûn ê bizanibin. Çawa we hebûna me qebûl kir, hûn ê vîna me jî nas bikin. Em li vir in!"

 

 

'Biryar siyasî ye'

 

Piştre Parlamentera Sêrtê Sabahat Erdogan Saritaş axivî û diyar kir ku ev biryar siyasî ye. Sabahat Erdogan Saritaş bertek nîşanî biryarê da û wiha got: “Ev biryar biryara ji jor ve ye, lewma biryareke siyasî ye.  Di wan dosyayan de rastiyên vî welatî dihatin gotin. Ev biryar ne tenê ji bo hevserokatiya me, ji bo hemû Kurdan hatiye dayîn. Yên dibêjin werin bibin xuh û bira, bila van biryaran bînin bîra xwe û li ser bifikirin. Em wek gelê Kurd çawa dikarin ji we bawer bikin? Ew kurdên ku nayên naskirin bi dosyayên plastîk û biryarên ji jor ve tên naskirin. Evqanûna dijminatiyê ye. Di vê biryarê de me careke din dît ku saziyên vê dewletê ji aliyê dewletê ve hatine valakirin û rizandin. Em vê biryarê nas nakin. Em kesên ku gelê Kurd nas nakin em jî wan nas nakin. Yên ku darbeya siyasî kirin tu carî nekarîn vî gelî bixin nava tevgerê. Em vê biryara neqanûnî nas nakin. Ji ber ku hevşaredara me Hevşaredara Sêrtê ye ev biryar hat dayîn. Ger qanûn hebûya ev biryar nedihate dayîn. Eger hevşaredara me li dijî hemû bêhiqûqiyê nebûya hevşaredar ev biryar nedihat dayîn.."

 

Parêzer Veysel Ok jî anî ziman ku ger Sofiya nebûya Hevşareda ev doz bi vî rengî bi dawî nedibû. Veysel Ok ev biryar weke êrîşa li dijî rojnamegeriyê nirxand û diyar kir ku ev biryar ne hiqûqî ye.