MERKEZÊ XEBERAN - Aşma êlule de Herêma Kurdistanî de 4 cinî qetil bîyî û yew cinî zî bi hawayêk bişik dinyaya xo bedelnaye.

 

Rojnews dayeyê derheqê qetilkerdişê cinîyan ê Herêma Kurdistanî yê aşma êlule pare kerd.

 

Goreyê nê, 5ê êlule: Çavan Hesen, qezaya Derbendîxan ê Silêmanî de hetê mêrdeyê xo ra amî qetilkerdiş.

 

6ê êlule: Helebce de C.F.S.ya 54 serrî û kênaya aye ya 18 serrî E.E.E. keyeyê xo de ameyî gulevarankerdiş.

 

8ê êlule: Kifrî de cinîyêke 21 serrî şerê kardî de vernê de birîndar bî û dima ra zî dinyaya xo bedelnaye.

 

25ê êlule: Ranya de, Ewîn Salih serrgêra zewacê xo de bişik veşa û dinyaya xo bedelnaye.

 

8 aşmê peyîn de 21 cinî Herêma Kurdistanî de qetil bîyî û 17 înan ra şertanê gumanbar de dinyaya xo bedelnayî. Sewbîna, 4 çalakîkerê û mamoste cinî zî hetê hêzanê asayîşî ra şîdet dîyî.

 

Serra 2024ine de 39 cinî qetil bî, yan zî mecbûr mendê ke xo bikişê û hewt cinî bi hawayêko gumanbar dinyaya xo bedelnayî.