STENBOL - Dewaya pawitoxa heqê merdiman Nîmet Tanrikulu de qerarê dewamkerdişê kontrolê edlî ame dayîş. 

 

Roniştişê 4ine ê dewaya pawitoxê heqê merdiman Nîmet Tanrikulu ke bi îdiayê “endamîya rêxistine” ameyîne muhakemekerdiş, Dadegaha 24ine ê Cezayê Giran ya Edliyeyê Stenbolî ame kerdiş.  

Avûkatê Nîmet Tanrikulu û Hemsereka Pêroyî ya Komeleya Heqê Merdiman (ÎHD) Eren Keskîn beşdarê roniştişî bî. Nîmet Tanrikulu pawitişê xo de waşt qerarê kontrolê edlî bêro betalkerdiş û materyalê aye bêrê teslîmkerdiş.

 

Dadgehe, waştişê teslîmkerdişê materyalê dîjîtal qebûl kerd û waştişê wedaritişê kontrolê edlî red kerd. Sewbîna dadgehe roniştiş taloqê 15ê Çeleyê 2026ine kerd.