
Mîyanê aşmêke de Herêma Kurdistanî de 4 cinî ameyî qetilkerdiş 

2025-10-07 15:00:14


	&nbsp;

	MERKEZÊ XEBERAN - Aşma êlule de Herêma Kurdistanî de 4 cinî qetil bîyî û yew cinî zî bi hawayêk bişik dinyaya xo bedelnaye.

	&nbsp;

	Rojnews dayeyê derheqê qetilkerdişê cinîyan ê Herêma Kurdistanî yê aşma êlule pare kerd.

	&nbsp;

	Goreyê nê, 5ê êlule: Çavan Hesen, qezaya Derbendîxan ê Silêmanî de hetê mêrdeyê xo ra amî qetilkerdiş.

	&nbsp;

	6ê êlule: Helebce de C.F.S.ya 54 serrî û kênaya aye ya 18 serrî E.E.E. keyeyê xo de ameyî gulevarankerdiş.

	&nbsp;

	8ê êlule: Kifrî de cinîyêke 21 serrî şerê kardî de vernê de birîndar bî û dima ra zî dinyaya xo bedelnaye.

	&nbsp;

	25ê êlule: Ranya de, Ewîn Salih serrgêra zewacê xo de bişik veşa û dinyaya xo bedelnaye.

	&nbsp;

	8 aşmê peyîn de 21 cinî Herêma Kurdistanî de qetil bîyî û 17 înan ra şertanê gumanbar de dinyaya xo bedelnayî. Sewbîna, 4 çalakîkerê û mamoste cinî zî hetê hêzanê asayîşî ra şîdet dîyî.

	&nbsp;

	Serra 2024ine de 39 cinî qetil bî, yan zî mecbûr mendê ke xo bikişê û hewt cinî bi hawayêko gumanbar dinyaya xo bedelnayî.

	&nbsp;

	&nbsp;