AMED - Rejîsora belgefîlmê ‘Stêrka ser Xete’ Berîvan Saruhan va ke bi rîameyîşê aştîyêke mende mumkin o.

 

Neqlkerdişê somut yê vîrê komelî bi wareyê kultur û hunerî pê yeno û sînema zî bi berardişê xo şahidîyê cuye anena verê temaşekeran. Sînemaya Kurdî de şer, koçberî, têduştîya cinsî yê komelî yenê destgirewtiş û îmkanê rojane yê ardîşê tarîxî û rîameyîşî eşkera kena. Rejîsora cinî ya kurde Berîvan Saruhan, bi belgefîlmê xo yê verên ‘Stêrka ser Xete’ de zordarîyê leşkeranê serra 1993î ke estareyê hesina paçeyanê Dirbêsî ser o sey sebebê sîyasî, gêna dest.

 

Berîvan Saruhan va ke zemînê rîameyîşî ke sînema de virazîyeno, tesîrê aştîya komelî zî keno.

 

‘Rejîsoranê cinî û ciwanan rê ware abeno’

 

Berîvan Saruhan va ke belgefîlmê ‘Stêrka ser Xete’ bajaranê Tirkîya û teberê welatî de ameyo mojnayîş û verê cû Kurdistan de Festîvala Belgefîlman ê FîlmAmedî ya ke 26-30ê êlule de ame kerdiş mojnaya. Berîvan Saruhan wina va: “No tena festîvalêke nêbî. No pêvînayîşêk bî, no ganebîyayîşê vîrî rê war akeno. Bi coşêk girdî festîvale bî. No mi rê zaf muhîm bi. Ma keda FîlmAmedî ke bi serran danê vînenê. Têduştîya cinsî verê çiman de gênê dest. No zaf muhîm o. Çi heyf hema ewnîyayîşê cinîya kurde bes nîyo. No het de cinîyan rê wareyî yenê akerdiş. Rejîsorê ciwanî yenê têhet. Tîya de fîlmê bêqisûrî nînê waştiî. Arşîvan de babeta komelî yenê destgirewtiş. No het de zî rejîsoranê cinî û ciwanan rê war virazîyeno. Amed hem paytextê Kurdistanî hem zî yê kulturê kurdî yo. Bi her hetî ma xo tîya de vînenê.”

 

Rîameyîş û nasnayîş

 

Berîvan Saruhan dewam de va: “Cinî nuqtayêk ra hîna kûr aştî ra ewnîyenê û aştîya mende zî bêkede û fehmê cinî nêasena. Cinî semedê nê têkoşîn kenê. Aştîya mende bi qanûnan bêro kerdiş. La ma kulturê xo, sînemaya xo de bi hîkayeyanê ke ameyî cuyayîş dir yenê rî bi rî. Key ma nê babetan dir yenê rî bi rî, aştîya komelî zî do pê bêro. Bi xêrê huner û sînemaya aştîya mende mumkin a. Hevalê ma tîya de kedêka zaf girdî danê. Ez înan rê sipas kena.”