AMED - Dayika Aştiyê Havva Kîran di daxuyaniya çapemeniyê de derbarê "Pêvajoya Aştî û Civaka Demokratîk" li AMED'ê de axivî û diyar kir ku ew dixwazin bi Rêberê Gelê Kurd Abdullah Ocalan re hevdîtinê bikin û ji bo ku daxwaza wan bê pêkanîn bang kir.

 

Meclisa Dayikên Aştiyê di derbarê "Pêvajoya Aştî û Civaka Demokratîk" de daxuyanî da çapemeniyê. Gelek dayikên aştiyê beşdarî daxuyaniyê bûn ku li avahiya şaxa Komeleya Mafên Mirovan (ÎHD) ya Amed pêk hat. Havva Kîran li ser navê Dayikên Aştiyê axivî.

 

'Em dixwazin bi Abdullah Ocalan re hevdîtinê bikin'

 

Havva Kıran diyar kir ku ew dixwazin bi rêberê gelê Kurd Abdullah Ocalan re hevdîtin bikin û biaxivin. Havva Kıran bal kişand ser daxwaza ji bo aştiyeke mayînde li Rojhilata Navîn û tevahiya cîhanê û got: "Pêvajoyeke aştiyê şeş meh in tê meşandin. Wekî Dayikên Aştiyê, em dixwazin bi Birêz Ocalan re hevdîtinê bikin. 25 sal in, me ji bo hevdîtina bi wî re kevir li ser kevir nehiştiye. Em spasiya her kesî dikin ku beşdarî vê pêvajoyê bûne. Wekî Dayikên Aştiyê, em daxwaz dikin ku em bikaribin bi Birêz Abdullah Ocalan re hevdîtinê bikin. Ev mafê dayikan e, ji ber ku zarokên me ji bo vê dozê şer kirin. Em bang li dewletê dikin: Ger pêvajoyek aştiyê dest pê kiribe, divê dengê van balafiran were qutkirin. Em dixwazin aştiyeke mayînde li Rojhilata Navîn û tevahiya cîhanê pêk bê. Ev daxwaz ne tenê ji bo me, lê ji bo gelê Filistînê jî derbas dibe. Ew jî di bin şert û mercên pir dijwar de ji bo jiyanê têdikoşin."

 

Herî dawî rojnamegeran ji dayikan pirsa,"Hûn ê ji bo hevdîtina bi Abdullah Ocalan re serî li Wezareta Edaletê bidin?" Dayikan bersiv dan û gotin,"Em ê bikin."

 

 

Ü