AMED - Li Atolyeya Hunerê ya ku di bin banê Gerînendetiya Çand û Karên Civakî de ye, kursazên ku di seranserê salê de di warên hunerî yên cihêreng de perwerde dîtin, berhemên ku amade kiribûn di Çalakiya Dawiya Salê de li Navenda Kongreyê ya ÇandAmedê pêşkêş kirin. 

 

Li Atolyeya Hunerê ya ku di bin banê Gerînendetiya Çand û Karên Civakî de ye, kursazên ku di seranserê salê de di warên hunerî yên cihêreng de perwerde dîtin, berhemên ku amade kiribûn di Çalakiya Dawiya Salê de li Navenda Kongreyê ya ÇandAmedê pêşkêş kirin. Hevşaredar Cengîz Dundar û endamên meclîsa şaredariyê jî beşdarî çalakiyê bûn û ji hêla gel ve jî bi eleqeyeke mezin hate pêşwazîkirin.

Çalakî bû qada kêliyên rengîn ku tê de huner û ziman bi hev re hatin. Xwendekarên şanoyê yên Atolyeya Hunerê bi lîstika "Ziman" ku ji bo bal kişandina ser girîngiya zimanê dayikê amade kiribûn, ji hêla temaşevanan ve gelek hate ecibandin. Bi performansa xwe ya li ser dikê, wan careke din hêza ziman û girîngiya parastina mîrata çandî nîşan dan. Her wiha, Koroya Atolyeya Hunerê jî bi repertuwareke Kurdî ya taybet a ji bo şevê amadebûyî, kêliyên bêhempa pêşkêşî guhdaran kir û şahiyeke muzîkal diyarî temaşevanan kir.

 

Hevşaredar Cengîz Dundar di axaftina xwe ya li çalakiyê de girîngiya çand û hunerê destnîşan kir û got: “Kombûna ciwanan bi rêya hunerê ji bo me çavkaniyeke mezin a motîvasyonê ye.” Wî bal kişand ser bandora erênî ya hunerê li ser nifşên ciwan û diyar kir ku çalakiyên bi vî rengî her tim ji bo berdewamiyê piştgirî ne. 

 

Çalakiya dawiya salê ya Atolyeya Hunerê ne tenê jêhatîbûna xwendekaran nîşan da, her wiha careke din girîngiya çand û hunerê di jiyana civakî de jî aşkera kir.