Li Zanîngeha Şerq a Reqayê foruma diyalogê ya têkildarî "Rejîma Heqîqetê" dest pê kir.

 

NAVENDA NÛÇEYAN - Akademiya Zanistên Civakî ya Rêber Abdullah Ocalan bi hevkariya Zanîngeha Rojava, Akademiyên Civaka Demokratîk, Akademiya Enternasyonalîst a Şehîd Lêgerîn û Meclisa Bawerî û Olan, foruma têkildarî "Rejîma Heqîqetê" bi dirûşma "Bi naskirina rastiya xwe em ê jiyana azad ava bikin" li Zanîngeha Şerq a Reqayê dest pê kir.

 

70 rewşebîr, siyasetmedar, akademîsyen û mamosteyên Zanîngeha Rojava û Zanîngeha Şerq û rûspî di forumê de hazir in.

 

Di forumê de dê mijarên “naskirina rastiyê û pênasekirina rêbaza ramanên Rêber Abdullah Ocalan, bandora modernîteyê li ser jiyana li Rojavayê Kurdistanê, Bakur û Rojhilatê Sûriyeyê û çareseriyên pirsgirêkan li gorî ramanên Rêber Abdullah Ocalan” di 3 beşan de werin gotûbêjkirin.

 

Hevserokê Akademiya Civaka Demokratîk Ebdulselam El Casim axivî û dûrw nîqaşkirina beşa yekemîn a forumê dest pê kir.