AMED - Şaredariya Bajarê Mezin a Amedê, ji bo karmendên di Midûriyeta Zabiteyan de dixebitin semînera zayenda civakî li dar xist.

 

Bi boneya Hefteya Zabiteyan, Midûriyeta Xizmetên Jin û Malbatê li ser mijarên "Wekheviya Zayendî/Newekheviya Zayenda Civakî", "Zayenda Biyolojîk-Zayenda Civakî", "Ji bo Rolên Zayenda Civakî Çi Dikare Bê Kirin" pêşkêşî xebatkarên Midûriyeta Zabiteyan kir. 

 

Di semînerê de hat destnîşankirin ku zayenda civakî mirovan ji hev cuda cuda dike, kesên cuda û xwemal aware dike û bi vî rengî dibe sedema cudakariyê.

Di semînerê de bal kişandin ser rol û erkên cihêreng ên ku civak di çandên cihê, di demên cuda yên dîrokê û li erdnîgariyên cuda de li ser jin û mêran ferz dike. Di danasînê de hat destnîşankirin ku zayenda ku di hemû civakan de ji aliyê sîstemên serdest ên mêrsalarî ve ji aliyê qanûn, kevneşopî û edetan ve ji nû ve tê hilberandin û parastin, bi wekhevkirina mirovan û derxistin û cezakirina kesên ji hev cuda dibe sedema cudakariyê.

 

Di danasînê de ku bal kişand ku ji bo wekheviya zayendî çi dikare bi ferdî were kirin, "Helwestên wekhevîxwaz di fikir û tevgerên me de dê hem li ser xebata me hem jî li ser têkiliyên me yên bi mirovên li dora me re bandorek erênî bike. Bi beşdarbûna we di vê xebata ku me organîze kir de, we ji bo misogerkirina wekheviya zayendî gavek girîng avêt. Bê guman, ji bo bidestxistina wekheviyê li seranserê welêt guherîn hewce ne. Lêbelê, guhertin jî bi me dest pê dike. Gerek em hay ji xwe hebin ku li malê, li ser kar û kolanan neheqiyê nekin. Divê em wekheviya zayendî bi pêdaçûna têgihiştin û tevgera xwe, ango pêşî ji xwe, dest pê bikin. Ji ber vê yekê em dikarin dest bi veguherîna civakê bikin."

 

Serokatiya Daîreya Xizmetên Jin û Malbatê dê perwerdeya zayendî ya xebatkarên şaredariyê bidomîne.