NAVENDA NÛÇEYAN - Ji bo azadiya Rêberê PKK'ê Abdullah Ocalan 12 sal in li bajarê Strasbourg ê Fransayê çalakiya nobetê didome. Di hefteya 634’an de koma ku ji herêma Stuttgart a Elmanyayê hatî, çalakî dewr girt.

 

Bi pêşengiya Înîsiyatîfa Ji Abdullah Ocalan re Azadî, bi armanca rakirina tecrîda li ser Rêberê PKK'ê Abdullah Ocalan û mîsogerkirina azadiya wî ya fîzîkî, ji 25’ê Hezîrana 2012’an ve çalakiya “Nobeta Azadiyê” tê lidarxistin.

 

Her hefteyê ji welatên cuda yên Ewropayê komek tê û çalakiya nobetê dewr digire. Di hefteya 634’an de Maksut Dogan, Ayşe Mutlu, Mehmet Elik, Ramazan Aslan û Denîz Tomas ên ji Suttgart a Elmanyayê hatine, nobet dewr girtin.

 

Maksut Dogan li ser navê komê daxuyanî da û got: “Em ji bo rakirina tecrîda li ser Rêbertî, bang li Parlamentoya Ewropayê û CPT’ê dikin.”

 

Maksut Dogan bi bîr xist ku ti agahî ji Abdullah Ocalan nayê wergirtin û got: “Em bang li gelê xwe dikin ku li dora Rêbertî kom bibin.”

 

Endama komê Ayşe Mutlu jî destnîşan kir ku ji bo rakirina tecrîdê, ev berxwedan dewam dike û ev bang kir: “Ji bo rakirina tecrîdê divê gelê me dakeve qadan.”