RIHA - DEM Partiyê nerazîbûn nîşanî biryara nûkirina hilbijartinan da û diyar kir ku 2 sindoqên hilbijartinê yên li Curnê Reş ji aliyê endamên AKP’ê ve hatine şewitandin. Bi sedan kes li ber desteya hilbijartinê ya bajêr rawestiya ye.

 

Piştî ku AKP'ê li dijî 15 sindoqên li navçeya Curnê Reş ku Partiya Wekhevî û Demokrasiyê ya Gelan (DEM Partî) piştî 45 salan bi ser ketibû, duh biryara nûkirina hilbijartinê da. Di êvara hilbijartinê de komek ji 50 AKP’yiyan û xebatkarên şaredariyê jî di nav de hebûn, dengên sindoqên bi jimare 1119 û 1120 şewitandin.  Lijneya Hilbijartinê ya Navçeyê bûyera bi kamerayan re hincet nîşan da û biryar da ku hilbijartinên DEM Partiyê bi ferqa 521 dengan bi dest xistibû bê nûkirin û hilbijartin di 2'ê Hezîranê de bê lidarxistin. Endamên partiyê li dijî biryara lijneya hilbijartinê ya bajêr nerazîbûn nîşan dan.

 

Bi sedan kes di saetên sibê de li ber Lijneya Hilbijartinê ya Bajêr ya li navenda navçeya Halîliyeyê ku wê îtîraz lê bê kirin rawestiyan. Parlamenterê DEM Partiyê Omer Ocalan, parlamenterê Mêrsînê Alî Bozan û gelek siyasetmedar û kes, li ber Lijneya Hilbijartinê ya Bajêr radiwestin.

 

Girseya ku li ber Lijneya Hilbijartinê radiweste bertek nîşanî biryarê dan û gelek caran dirûşmên "Hîlvan (Curnê Reş) ya me ye û dê ya me bimîne", "Abdullah Zeydan vîna me ye" û "Gelê Kurd, vîna xwe dê biparêze" berz kirin.