STENBOL - Parlamenterên DEM Partiyê yên Stenbolê pankarta “Qeyûm bicehime” bi Kuleya Galatayê vekirin û tayînkirina qeyûm şermezar kirin. 

 

Hevberdevkê Kongreya Demokratîk a Gelan (HDK) Cengîz Çîçek û parlamenterên Partiya Wekhevî û Demokrasiyê ya Gelan (DEM Partî) ên Stenbolê Kezban Konûkçû û Ozgul Sakî tayînkirina qeyûm a li Şaredariya Colemêrgê bi daliqandina pankarta “Qeyûm bicehime” ya bi Kuleya Galatayê ya li Beyoglûyê ve şermezar kirin. 

 

Parlamenteran piştî pankarta ku daliqandin dirûşmeyên “Bijî berxwedana Colemêrgê” û “Qeyûm dê biçin, em ê bimînin” berz kirin.