NAVENDA NÛÇEYAN - 14'emîn Konferansa Meclîsa Îştar a Wargeha Penaberan a Mexmûrê bi nêrîn û nirxandinên jinan di roja duyemîn de didome.

 

14’emîn Konferansa Meclîsa Îştar a Wargeha Penaberan a Şehîd Rustem Cûdî (Mexmûr) ku bi dirûşma "Em civaka demokratîk û komînal ava dikin, bi rêbertî re azad dijîn" dest pê kiribû, bi nêrîn û nirxandinên rojeva siyasî di roja duyem de didome.

 

Konferansê duh bi axaftina vekirinê û perspektîfên Rêberê Gelê Kurd Abdullah Ocalan dest pê kiribû, bi rojevên raporên du salan ên Meclîsa Îştar û Meclîsa Jinên Ciwan bi dawî bû. 

 

Her wiha peyama Rêberê Gelê Kurd Abdullah Ocalan hat xwendin û sînevîzyona der barê têkoşîna du salan a jinan jî hat temaşekirin. 

 

Konferans îro jî bi rojevên siyasî didome.