NAVENDA NÛÇEYAN - Navenda Filistînî ya Lêkolînên Girtiyan ragihand ku hêzên Îsraîlê ji destpêka salê ve 130 jin û jinên ciwan li Zîvala Rojava û Orşelîmê girtine.

 

Hêzên Îsraîlê girtinên li Xezayê û Zîvala Rojava didomînin. Di demeke ku polîtîkayên windakirina bi zorê berfireh dibin û binpêkirinên di girtîgeh û navendên girtinê de zêde dibin de, hemû di bin nebûna zelaliyê û sînorkirinên zêde de.

 

130 jin û jinên ciwan hatine girtin

 

Navenda Filistînî ya Lêkolînên Girtiyan eşkere kir ku hêzên Îsraîlê ji destpêka vê salê ve 130 jin û jinên ciwan ji Zîvala Rojava û Qudsê girtine. Navendê bal kişand ser hedefgirtina sîstematîk a jinên Filistînî ya bi rêya girtin, îstismarkirin û lêpirsînên meydanî ya di bin şert û mercên girtîgehê yên dijwar de.

 

Ji destpêka şer ve nêzî 800 doz hatine vekirin

 

Navendê ji 7'ê Cotmeha 2023'an vir ve zêdebûnek girîng di girtina jinan de tomar kir û ragihand ku ev hejmar gihîştiye nêzî 800’î. Navendê da zanîn ku beşek mezin ji van girtinan li ser tohmetên têkildarî postên medyaya civakî ne, ku hêzên Îsraîlê wek ‘sorkirinê’ bi nav dikin.

 

Jinên ku ji Zîvala Xezayê hatine girtin nagirin nav xwe

 

Ji ber nebûna payînên rast ên hejmara wan û windabûnên bi zorê yên ku ew pê re rûbirû dimînin, îstatîstîk jinên ku ji Zîvala Xezayê hatine girtin nagirin nav xwe. Navendê diyar kir ku girtiyên jin ji Xezayê ji hêla hêzên Îsraîlê ve carna tên berdan û ragihand ku ev, hebûna girtiyên ku nasnameya wan nayê zafilisnîn nîşan dide. Pêla girtina jin, jinên ciwan û heya jinên temen mezin jî digre nava xwe.