MERKEZÊ XEBERAN - Avûkata bi nameyê Gulale Vatandost 1ê gulana 2026ine ra Zîndanê Merkezî yê Sineyî de tepişte ya. Sebebê tepiştişê aye zî semedê ke aye pawitişê kesanê ke protestoyanê serra 2022ine de ameyî tepiştiş, kerde ya.

 

Seranserê Rojhelatê Kurdistanî û Îran de bi sebebanê veng, tepiştiş, dadgehkerdiş, destbendkerdişî her şino zêde benê. Bi taybetî zî nê caardişî çalakîkeranê sivîlî, avûkatan, hunermend, aktîvîstî û ûsn. ser o yenê kerdiş. Goreyê raporê ke ameyî weşankerdiş, avûkate Gulale Vatandost 1ê gulana 2026ine de Zîndanê Merkezî ya Sineyî de ameye tepiştiş.

 

Dewaya hemverê avûkate Gulale dimayê ke protestoyê seranserî yê payîzê 2022ine de temsîlkarîyê hîn kesanê ke ameyî tepiştiş kerd, ameye akerdiş. Şubeyê Dadgeha Şorişî ya Senendecî bi tohmetê “propagandaya hemverê rejîmî” û “awankerdişê grubêk” 6 serrî, 7 aşmî û 20 rojî cezaya zîndanî aye rê birna.

 

No qerar dimayê şirawitişî aye Dadgeha Îstînafî ya Bajarê Kurdistanî ame qebûlkerdiş. Goreyê agahîyan, Gulale Vatandost semedê ke cezaya xo bianco Zîndanê Merkezî yê Sineyî de yena tepiştiş.

 

Aşmanê peyêne de, raporê zêdebîyayîşê destbendkerdiş, vengdayîş û tepiştişê çalakîkeranê sivîlî, meslegî, sîyasî û heqê merdiman ê herêmanê cîyayê Îranî vejîyayî. Rêxistinê heqê merdiman endîşeyanê xo dewamkerdişê nê meylî ser o ardî ziwan û no sey nîşaneyê zêdebîyayîşê zordarîya çalakîkeran ser û tengbîyayîşê wareyê çalakîyanê sivîlî û komelî vînenê.