MERKEZÊ XEBERAN - Heyetê Rayîrberdişê Xoserî eşkera kerd ke pêvînayîşî yê Şamî de 4 bendê sereyîn ameyî munaqeşekerdiş.

 

Vizêrî fermandarê pêroyî yê Hêzanê Sûrîyaya Demokratîke (QSD) Mazlûm Ebdî, hemsereka Daîreyê Peywendîyanê Teberî ya Rayîrberdişê Xoser Îlham Ehmed û fermandara Yewîneyê Pawitişê Cinîyan (YPJ) Rohilat Efrîn Şam de bi serekê hukmatê demkî yê Sûrîya Ehmed Şerî û wezîrê karê teberî yê hukmatê demkî Esed Şîbanî dir kom bîyî.

 

Heyetê Bakur û Rojhelatê Sûrîya yê dayîşûgirewtişî rîpelê xo yê fermî yê Xî ser o agahîyê derheqê pêvînayîşê Şamî yê bi temsîlkarê hukmatê demkî yê Sûriya dir, eşkera kerd.

 

Heyet va ke di pêvînayîş de 4 bendê sereyî ameyî munaqeşekerdiş la tu belgeyê fermî bêîmze nêdayî.

 

Heyet va ke înan bi fekî pêşnîyazê entegrasyonê QSDî û Hêzanê Asayîşê Zereyî semedê awankerdişê artêşêk rêxistinkerde semedê temamê şarê Sûrîye pêşkêş kerdê.

 

Eynî wextî de heyet va ke înan caardişê adirbestê pêroyî û yewser Bakur û Rojhelatê Sûrîye û Helebî û sererastkerdişê destûrê Sûrîye goreyê temsîlkarê pêro pêameyan, pê kerdê.