Gulistan Gulmuş-Pelşîn Çetinkaya

 

MÊRSÎN - Cinîyê ke rayîrşîyayîşê bi şîarê “Ma bi hêvîye ver bi azadîye rayîr ra şinê” de her nûqteyî waştişê xo berz kerdî û vatî ke ê mesajê Rayberê Şarê Kurdî Abdullah Ocalanî ra zaf keyfweş bîyê û va ke wazenê Rayberê Şarê Kurdî Abdullah Ocalanî dir pêvînayîş bikerê.

 

Têgêrayîşê Cinîyan ê Azadan (TJA) 1ê teşrîna verênê de Amed ra ver bi Anqara de bi şîarê “Ma bi hêvîye ver bi azadîye rayîr ra şinê” rayîrşîyayîşêk dest pêkerd û waştişê azadîya fîzîkî ya Rayberê Şarê Kurdî Abdullah Ocalanî kerd. Cinî, Amed, Curnê Reş, Xelfetî, Birecûk, Edene, Mersîn û Sîncanî rayîr ra şî. 250 cinî cayê ke şî, hetê şarî ra bi coşêk girdî pêşwazî bî, tîya atolye, şayî û eşkerayî viraştî. Eşkerayîye de mesajê Rayberê Şarê Kurdî Abdullah Ocalanî û tepişteyanê sîyasî zî ameyî wendiş. Cinîyê ke her emrî ra 7 ra heta 70 serre, tewrê rayîrşîyayîşî bîyî û şîarê “Heqê hêvî heqê şaran o”, “Bijî Serok Apo”, “Bijî xoverdayîşê zîndanan” û “Jin, Jiyan, Azadî do azad bike Rayberî” berz kerd.

 

Ewro roja peynî ya rayîrşîyayîşî ya, do saete 10ê sibayî berê Çankaya yê Parkê Parlamentoyî de kombîyayîşê çapemenîye virazîyo ke waştişê xo eşkera bikerê. Dima ra, cinî do tewrê kombîyayîşê Komela Cinîyan a Partîya Têduştî û Demokrasî (DEM Partî) bibê.

 

Cinîyê ke her kuçe û rayîrî de waştişê “azadîye” berz kerdî, derheqê rayîrşîyayîşî de qal kerdî.