WAN - Şaredariya Rêya Armûşê ya Wanê ji bo piştgiriya beşdariya jinan di hilberînê de û xurtkirina jiyana ekolojîk, Bîstanê Bajêr ê bi navê Gundogdu vekir. 

 

Merasîma vekirina Bîstanê Bajêr ê bi navê Gundogdu bi beşdariya, Parlamentera Mûşê ya Partiya Wekhevî û Demokrasiyê ya Gelan (DEM Partî), Sumeyye Boz, hevşaredar, endamên meclîsê, Dayikên Aştiyê, rêxistinên civaka sivîl, niştecihên taxê û gelek jinan pêk hat. Vekirin ji aliyê Dayikên Aştiyê ve hat kirin.

 

'Em ê xebatên jinan berfireh bikin'

 

Hevşaredara Rêya Armûşê Canan Uzunay di vekirina bîstan de axivî û got ku ew ê xebatên jinan berfireh bikin. Canan Uzunay got, "Ji roja ku me dest bi kar kir, yek ji xebatên me yên herî girîng bi jinan re vekirina bîstanên bajarî yên jinan bû. Em qadên jinan berfireh dikin û em ê berdewam bikin. Jin kelûpelên xwe hildiberînin."

 

Hevşaredara Wanê Neslihan Şedal, ku şûna wê qeyûmek ji aliyê hikûmetê ve hat tayînkirin, got , "Yek ji armancên me yên herî mezin nîşandana reng, nasname û xwezaya jinan bû. Em ê keda jinan a nedîtî li her derê nîşan bidin. Jinan her tim têkoşîn kirine û ew kes in ku têkoşînên herî mezin dane. Me li dijî paşguhkirina ji demên berê têkoşîn kiriye û em ê berdewam bikin. Em ê têkoşîna jinan bi felsefeya 'Jin Jiyan Azadî' berfireh bikin."