QERS - Dewijê ke seba qedexeyê zozanan problemê pîl yê ekonomî cuwîyenê, reaksîyon hemverê dewamkerdişê qedexeyan dayî û vatî do sindoqe de hesab pers bikerê.

 

Bi ameyîşê wisarî dir cinîyê ke vejyayî zozanan, bi qedexeyê zozanan dir rî bi rî yenê verdayîş. Cinîyê ke bi serran o heywananê xo vejenê zozanan emsar zî seba qedexeyan problemê pîlan cuwîyenê.

 

‘Şit kêm bîyo'

 

Dewa Vezîn a Qersî cinîyê ke emsar nêeşkenê vejyê zoznan, heywananê xo danê cayê nêzdî û çernenê. Guvercîn Mengeya ke bi serran o dest cuya dewe ra vera nêdaya, serê siba rew wirzena û heywananê xo bena dewê ke nêzdîyê. Guvercîne da zanayîş ke şit kêm bîyo û wina va: “Bi serran o ez debara xo wina kena. La bi di serrî yo ma qedexeyan dir yenê rî bi rî. Ma bi vaşê wişk heywanan wey kenê. No zî zêde bandure nêkeno. Semedo ke vaşê zergûn nêwenê şitê heywanan zî kêm bîyo."

 

Guvercîne tewr peynî qiseykerdişê xo de va ke mecbur menda nîmeyê heywananê xo biroşo û va ganî qedexeyî bêrê wedartiş.