ÎZMÎR - Meclîsê Cinîyan ê Îzmîrî pêro taxanê bajarî de pankartê derheqê mergê bişik ê Rojîn Kabaîşe kuçeyan de daliqnayî.

 

Meclîsê Cinîyan ê Îzmîrî semedê wendekara Unîversîteya Yuzuncu Yilê Wanî (YYU) Rojîn Kabaîşa 21 serrî ke 27 êlule de bişik ameye vînîkerdiş û 18 rojî dima cenazeya aye ameye vînayîş, pêro taxanê Îzmîrî de  afîşê aye ame daliqnayîş. Cinîyê ke waştî qerarê nimiteyê dosya ser o bêro wedaritiş û persê; "Çi ame sereyê Rojîne?" pers kerdî. 

 

‘Ma Îzmîr ra heta Amed soz da’

 

Cinîyê ke çalakîya afîşî de qisey kerdî, dîyar kerdî ke ê êdî nêwazenê kesêke zî kêmî bê. Cinîyan dîyar kerd ke ganî tu mergêk bişik tarîtî de nêmano û vatî; "Ma her hetê Îzmîrî de semedê Rojîne, afîşan daliqnenê. Ma wazenê ke dosyaya Rojîne ke qerarê nimitişî est o, wedarnê. Ma Îzmîr ra heta Amed soz dabî. Heta ke dewaya Rojîne zelal nêkerê, ma do fek vera nêdê. Ma do çi ameyo sereyê Rojîne, vejê werte.”