ÊLIH - Bi bahaneyê xebatê rayîrî, Şaredarîya Êlihî dest bi qirkerdişê kerdî û reaksîyonê şarî dewam keno. Hemsereke Gulistan Sonuk ke qayim vera ci tayîn bi, dîyar kerd ke no proje, projeyêk rantî yo û heta qirkerdiş nêvindarnê do ware terk nêkerê.

 

Qeyûmê Şaredarîya Êlihî Kuçeyê Dîyarbakir yê şaristanî de darî wekerdê. Temsîlkarê şaristanî hemverê wekerdişê daran vejîyayê. Wekerdişê daran vizêr şand her çend ame vindarnayene zî nê serê sibayî reyna dest pêkerd. Şaredarîya Êlihî hetê qeyûmî ra ameya destsernayene. Emrê qeyûmî ser o Kuçeyê Dîyarbakirî yê tewr qelabalixî de bi nameyê hîrakerdişê rayîrî, dest bi wekerdişê daran kerd. Temsîlkarê şaristanî hemverê wekerdişê daran vejîyayê û no ame vindarnayene. Hemşaredara Êlihî Gulîstan Sonuk û Yeşîl Işik ê ke herinda înan de qeyûm ameyo tayînkerdene, rayberê DBP, DEM Partî, rayberê rêzxistinê sivîl û xeylê welatijî hemverê wekerdişê daran vejîyayê. 

 

Gulistan Sonuk ke xoverdayîş de ca girewte, derheqê bîyayîşan de ajansê ma dir pare kerd.

 

‘Ma ware de yê, mîyanê xoverdayîş de yê’

 

Gulistan Sonuk, dîyar kerd ke senî pê hesîyayê ameyê ware û va: “Vizêrî şan de ma şinawit ke Bulvarê Ozalpî de Şaredarîya Êlihî qirkerdişê daran kena. Ma zî û xeylê hemwelatijî ameyî ware û makîneyê karî vindarnayî. Şan de heta saete 01.30ine ma tîya bî. Makîneyê karî peyser şî. Dima ra şan de saete nêzdîyê 03.00ine de ma rê ancî telefon ame û ancî qirkerdişê daran dayê destpêkerdiş. Ma zî ancî ameyî nê wareyî. Wexto ke ma ameyî ancî qirkerdişê daran dest pêkerdibî. Ma ra vatî ke qirkerdişê hûmara daran 19 o. Ma ancax darêk xelasna la ê bînî ameyî birnayîş. Ma vizêrî şan de ra ware de yê û xoverdayîş de yê.”