WAN- Semedê endama YJA Starî Fatma Kaya ke HPG'yî neql kerd ke serra 2018ine de dinyaya xo bedelnaya, dewa Yekmale ya qezaya Ebexî ya Wanî de şîn ame ronayîş. 

 

Sersaxî, semedê hîrê gerîlayê ke serra 2018ine de herêma Xakurkî ya Başûrê Kurdistanî de hêrîşê hewayî de dinyaya xo bedelnayî, dewam kena. Semedê endama YJA Starî Fatma Kaya ke HPG'yî neql kerd ke serra 2018ine de dinyaya xo bedelnaye, dewa Yekmale ya qezaya Ebexî ya Wanî de şîn ame ronayîş. 

 

 

Roja hîrêne de, temsîlkarê rêxistinê bajarê Wanî yê Partîya Herêman a Demokratîke (DBP) û Partiya Têduştî û Demokrasî (DEM Partî), rêxistinê qezayanê Ebex, Bêgirî û Erdîş, Parlamenterê DEM Partîye yê Wanê Zulkuf Uçar, Hemşaredara Bajarê Wanî ya Girdî Neslihan Şedal û hemşaredarê qeza, îdarekarê Komeleya Hetkarî û Piştîdayîşê bi Kesê ke Merdimê xo Dergûşê Şaristanî Vînî Kerdî (MEBYA-DER), Dayîkê Aştîye û hûmarêka pîl ê welatijan serdayîşê cayî kerdî.

 

Dimayê mewlûdî yê semedê yadkerdişê Fatma Kaya, merasîmêk yadkerdişî ame organîzekerdiş. birayê pîlî yê Fatma Kaya, Ronî Nasir Kaya, nameyê keyeyî ser o qisey kerd û dîyar kerd ke Jîndar şehîdê hîrên ê keyeyî ya û dîyar kerd ke têkoşînê bi rûmet ke wayê û birayê ey ke şehîd bîyê, semedê keye û şarê kurdî bîyê çimeyê serberzî.

 

Merasîm; bi yadkerdiş û mewlûdî, dimayê werdî peynî bi.