MERKEZÊ XEBERAN - Înîsiyatîfê Yewîya Neteweyî ya Cinîyanê Kurdan ê Ewropa bi eşkerayîyêke qerarê dardekerdişî yê dewleta Îranî şermezar kerd û venga sazgehê heqê merdiman kerd ke hemverê nê kerdişanê faşîstî yê hemverê heqê cinîyan bêveng nêmanê.

 

16ê Tebaxe de cezaya dardekerdişî ya Şerîfe Mihemedî ya zîndanê Lakan ê bajarê Reştî de hetê Şubeyê 39ine ê dadgeha berzî ya Îranî ra bi temamî amî tesdîqkerdiş. Nêrazîbîyayîşê hemverê tesdîqkerdişê cezaya dardekerdişî, roj bi roje zêde benê.

 

Na çarçewa de Înîsiyatîfê Yewîya Neteweyî ya Cinîyanê Kurdan ê Ewropayî bi eşkerayîyêke qerar şermezar kerd. Înîsiyatîfî neql kerd ke Şerîfe Mihemed vera dişminê cinîyê û hêzê faşîst sembolê têkoşîn û azadîye yo, coka cezaya dardekerdişî şermezar kerd û dîyar kerd ke do nê kerdişan tu wext  qebûl nêkerê.

 

Înîsiyatîfî eynî wextî de verê cezaya dardekerdişî Werîşe Mûradî û Pexşan Ezîzî de zî reaksîyon mojna û venga dewleta Îranî kerd ke nê qeraran betal bikero.