AMED - Çarçewaya kampanyaya “Vatişê Ma Nêqedîya yo, Ma do Şîdet Pîya Vindarnê” ke hetê Şaredarîya Peyasî ra hemverê şîdetê cinîyan ser ameyo destpêkerdiş de, forumê cinîyan û xebatê îqazkerdişî yê parkan yenê organîzekerdiş, dewam kenê.

 

Çarçewaya kampanyaya ke hetê Mudirîyê Polîtîkaya Cinîyan ra yena organîzekerdiş de, çalakîya çarine Parka Manolyayî de ame organîzekerdiş. Forum de, cinîyan hemverê kiştişê cinîyan û şîdetê cinîyan ser, fehmê xo pare kerd. Destekdayîş û metodê têkoşînî ser o agahdarî ameyî dayîş. Sewbîna vilawikî ameyî vilakerdiş. Hemşaredara Peyasî Bêrîvan Gulşen Sîncar, endamê meclîsê şaredarî û hetkarê hemşaredaran zî tewrê na xebate bî.

 

Vengdayîşê şayîya cinîyan 

 

Hemşaredare Bêrîvan Gulşen Sîncar, Rêxistina Qezaya DEM Partîye ya Peyasî û endamê meclîsê şaredarî, semedê şayîya cinîyan ke hetê TJA'yî ra rayîrşîyayîş û şayîya ke do verê Şaredarîya Sûrî de 29ê Tebaxe (Îne) saete 18.00’ine de organîze bikero, Parka Ormanî dawetname vila kerdî û pêro cinîyan dawetê şayî kerdî.