ÎZMÎR – Dayîkê Aştîye hemverê astengkerdişê ziwanê kurdkî yê Komîsyonê Meclisî de kom bî û waştî tecrîdê Rayberê Şarê Kurdî Abdullah Ocalanî ser o bêro wedaritiş û heqê qiseykerdişî semedê gerîlayê ke çekê xo veşnayî, bêro dayîş.

 

Înîsiyatîfê Dayikê Aştiye yê Îzmîrî kombîyayîşêk çapemenîye ke Ofîsa Herêma Egeyî ya Partiya Herêmê Demokratîkî (DBP) de ame organîzekerdiş, redkerdişê qiseykerdişê bi kurdkî yê Dayîkê Aştîye yê komîteya meclisî de bî, şermezar kerd. Endama Meclîsê Dayikê Aştiye Behiye Yalçin nameyê înîsiyatîfî ser o qisey kerd.

 

'Dayîkî uca bî ke şarê kurdî temsîl bikerê'

 

Behiye Yalçin, komîsyonê de qisey kerd û dîyar kerd ke qedexeyê ziwanê kurdkî ser o nîno qebûlkerdiş. Behiye Yalçin va, "Dayîkî uca de bî ke şarê kurdî temsîl bikerê. Ziwanê ma rûmetê ma yê, bîyayîşê ma yo. Heta merasîmê cenazeyê xo de zî, dayikê kurdî vatêne, ê aştîye wazenê. Dayîkî tena eşkenê dejê zerrîya xo, bi ziwanê xo vajê. No tenê rayîro ke dayîkê kurdî dejê xo vajê."

 

Çalakîye bi çepikan peynî bî.