MERKEZÊ XEBERAN – Goreyê raporê NY’yî û dezgehê hetkarî, reya ewil hîn cayê Gazzeyî de vêşanî bi fermî amî îlankerdiş.

 

Goreyê dayeyê NY û IPC’yî hîn cayê Gazzeyî de  reya ewil bi fermî xela ameya îlankerdiş. Raporê IPC’yî ard vîr ke nêzdîyê di serrî şerê Îsraîlî ser o derbaz bîyo û eşkera kerd ke krîzê vêşanîyê Gazzeyî resayo sewîyeyêka nêameya vînayîş.

 

‘Sebebê xela netîceya çalakîya Îsraîlî yo’

 

Komîserê Berzî yê Heqê Merdiman ê Yewbîyayeyê Netewan Volker Turkî, raporo ke ameyo weşanayîş ser o va, “Xelaya Gazzeyî netîceya rasterast a çalakîyê hukmatê Îsraîlî yo.”

 

‘Felaketo ke bi destê însanan ameyo viraştiş’

 

Sekreterê Pêroyî yê Neteweyê Yewbîyaye Antonio Guterres zî raporî ser o erjnayîş kerd û qetî kerd ke vêşanîya Gazzeyî felaketêk hetê merdiman ra ameyo viraştiş. Antonio Guterres va, "Ma nêeşkenê rayîr bidê ke na rewşe bêcezatî dewam bikero.”