AMED - Cinîyê ke beşdarê şayîya ciwanan bî vatî: "Wa ê semedê ciwanan ca awan bikerê û wayîrê prosesî vejîyê. Rayîr û metodê bîyayîşî vengdayîşê komelêk demokratîkî de yo."

 

Bi vengdayîşê Rayberê Şarê Kurdî Abdullah Ocalanî yê semedê "Aştî û Komelê Demokratîkî", şar qetî keno ke aştî do bi rêxistinbîyayîş komelî îşxal bikero. Cinîyê ke beşdarê "Şayîya Komelê Demokratîkî yê Ciwanê Serkêş" Amed de bî, reyke bîn mesajê ci dayî ke semedê aştî mende bibo, ganî ciwanî û cinî proses ko bikerê û berpirsiyarî bigîrê milê xo ser.

 

Kokerdişê prosesî

 

Fîlîz Bulutekîn va, ganî şar aştî ko bikero û va: "Ganî ma vengdayîşê Birêz Abdullah Ocalanî ko bikerê û muhîmîyê aştî bimojnê. Wexto ke welatêk de ekonomî û ekolojî bi temamî nêrê peygoşkerdiş, muhîmîyê aştîye hîna zêde eşkera beno. Ganî ma xo birêxistin bikerê û reyke bîn muhîmîyê prosesê aştî sîstem û dewlete rê neql kerd. Vinbîyayîşê keyeyê ke 50 serran ra zêdeyêr vîrê aştîye kerdê, ganî reyke bîn muhîmîyê aştîye bimojnê."

 

'No proses tena semedê ma nîyo...'

 

Zeynep Baran, wina va: "Bêrê ma nê prosesî pîya,, tirk, kurmanc, zaza û çerkez, pê bîyarê. No proses semedê neslê bêro zaf muhîm o. Eke ma pîya têbigêrê ma eşkenê pîya aver berê. Ganî ma kîn û nefretê zerreyê xo bidê hetêk û bi şîyayîşê komelêk bîn bibê yew. Ganî ma nê yewîye semedê tutanê xo û ameyoxê înan bi dest bikerê. Ganî no proses tena  Kurdan rê hetê pêro cinîyan bêro îdarekerdiş. Demo ke cinîyêke merde, gelo ma ferqê mabêne tirk û kurdan de kenê? Hem tirk û hem zî kurdî reaksîyon mojnenê. Ganî ma nê prosesî pîya eynî hewa pê bîyarê.”

 

Vengdayîşê semedê ciwanan ameyo kerdiş

 

Berîvan Matyar zî wina va: "Astengî kurdan rê ameyîne kerdiş ke xo bi hawayêk ontolojîk îfade bikerê. Kurdî xeylêk şorişgêr ê û têkoşîn kenê. Vengdayîşê Rayberê Şarê Kurdî Abdullah Ocalanî yê semedê 'Aştî û Komelê Demokratîkî' semedê ma hemîne bî. Vengdayîş semedê ciwanan hîna muhîm o, semedo ke hedefê dewlete de ciwanê. No cewabêk semedê ciwanan bi û her çend rewşe na bo zî berpirsiyarîyê ardişê înan ê têhet keweno milê kesê ke rayêk înan est o. Eynî wextî de, berpirsiyarîyê ciwanan semedê taqîbkerdiş û vilakerdişê nê prosesî keweno milê înan ser." 

 

Berpirsiyarîyê cinîyan

 

Laleş Ongun zî wina qal kerd: "Sazgehê cinîyan ameyî padayîş, pêro rêxistinê cinîyan ameyî astengkerdiş. Pêro selahîyetdarê ke semedê cinîyê ke şîdetî dir rî bi rî manenê, ameyî tepiştiş. Cinî yewin kesî bî ke rastê şîdetî ameyî. Nê semedî ra ma muhîmîyê nê prosesî semedê cinîyan haydar ê. Eke ma Tirkîya de qalê prosesêk aştî bikerê, do no sere de tesîr cinîyan ser o bikero. Nê semedî ra berpirsiyarîyêk muhîm cinîyan ser o est o. No proses muhîm o semedo ke verdeno şîdeto ke camêrdî vera ma qerar nêdanê, vengê xo berz bikerê.”