AMED- Komeleya Merkezê Pêroyî yê OHD’yî çarçewaya “Heqê hêvîye” de beyanat da û beyanat de ame vatiş ke polîtîkayê tecrîdî verê xebatê aştîye gênê, seba rol û mîsyonê muzakareyan baş aver şiro, ganî azadîya Birêz Ocalanî bêro caardene ke nê prosesî de wa aktorêko sereyîn bibo.

 

Komeleya Merkezê Pêroyî yê OHD’yî çarçewaya “Heqê hêvîye” ser o Amed de beyanat da. Verê beyanatî Hemserekê OHD’yî Fevzî Çakmak qisey kerd û va ke ê seba zemînê xebatê yê huquqî rê hadre yê.

 

Vengdayîşê tarîxî yê Abdullah Ocalanî

 

Beyanatê OHD’yî Îdarekara Merkezê Pêroyî OHD’yî Şevîn Kaya wend û vat: “Seba sîyaseto demokratîk û aştî rê wa tecrîd peynî bibo û lazimeyê huquqî wa bêrê caardişî. 27ê sibate de eşkeraya Birêz Ocalanî, zemînê sîyaseto demokratîke awan kerd. Birêz Ocalan eşkeraya xo de va ke fesîhkerdişê PKK’yî ser o zemînê huquqî şert o, no tesbîtê Birêz Ocalanî seba ameyoxê şaran rê vengdayîşêko tarîxî yo. Çarçewaya nê prosesî de gamêka tewro bi lez, Îmrali de sîstemê tecrîdî bêro çinkerdene. Seba aştîya mende de şerto ke peynîya polîtîkayê tecrîdî bêrê, seba ke Birêz Ocalan rolê xo kay bikero, şert û mercê ci bêrê dîzaynkerdişî. 10 serrê verê cû heqê Birêz Ocalanî de AÎHM qerarêk dabî, ganî bi lezûbez lazimîya nê qerarî bêro caardene.

 

‘Ganî şertî bêrê hadrekerdiş’

 

Birêz Ocalan ser o caardişê tecrîdî tena îhlalê heqî nîyo, verê ameyoxê komelo demokratîk de zî astengî yo. Polîtîkayê tecrîdî verê xebatê aştîye gênê, seba rol û mîsyonê muzakareyan baş aver şêro, ganî azadîya Birêz Ocalan bêro caardene ke nê prosesî de wa aktorêko sereyîn bibo.

 

Ma sey OHD’yî seba înşakerdişê aştîye, averberdişê demokrasî vanê ke wa sîstemê tecrîdî yê Îmraliyî werte ra bêro wedaritiş, seba heqê hêvîye ser o zî ma wazenê bi lezûbez zemînê qanûnî bêrê hadrekerdene. Ma heme rayapêroyî yê Tirkîya rê veng danê ke wa nê vengdayîşê ma rê goş bidê.”