MERKEZÊ XEBERAN- Dewleta tirkan bi obûsan hêrişê bajarokê Zirganî kerd û hêrişî de cinîyêke ameye qetilkerdiş. 

 

Hêrişê dewleta tirkan û komê girêdayê aye paramîlîterî yê SMO’yî yê Vakur û Rojhilatê Sûrîye ser o dewam de yê. Goreyê xebera Ajansê Xeberan ê Hawarî (ANHA); dewleta tirkan ewro serê sibayî saete derûdorê 10.00ine de dewa Zêdiyî yê bajarê Zirganî yê kantonê Cizîrî bi obusan topvaran kerd.

 

Ame zanayîş ke netîceya topvaranî de cinîya bi nameyê Rehîma Sebrî ameye qetilkerdiş û welatijê bi nameyê Nesredîn Hesen Sebrî û Ehmed Hesen Sebrî zî birîndar bîyî.

 

Eynî wextî de dewleta tirkan bi teyareyê şerî dewa Şêxlera Jorîn ê bajarê Kobanê bombavaran kerd. Derheqê netîceya bombavaranî de agahî nêame girewtiş.