STENBOL - HDK’yî bi eşkerayîyêke reaksîyon vera operasyonê destbendkerdişî mojna û vat: “Ma do bêveng nêbê û fek ci ra vera nêdê.” 

 

Ewro serê sibayî çarçewaya cipersayîşê Serdozgerîya Komare ya Stenbolî de xeylêk bajaran de erzîya xeylêk adresan ser. Sereştişê keyeyan de endam û îdarekarîya Kongreya Demokratîke ya Şaran (HDK), Partîya Herêmanê Demokratîke (DBP), Partîya Kede (EMEP), Partîya Newekerdişê Sosyalîste (SYKP), Partîya Sosyalîste ya Bindestan (ESP), Partîya Çepî ya Keskî zî mîyan de xeylêk nesî ameyî destbendkerdiş.

 

HDK’yî eşkerayîye de wina vat: “Ewro saetê serê sibayî de verfeka ma ya demê verî Esengul Demîr û endam û îdarekarê pêameyê ma, sazgehê dostî, roşnvîr û îdarekarî zî mîyan de xeylêk hevalê ma ameyî destbendkerdiş. Wazenê muxalefeto ke semedê ameyoxêk hempar ê şarê ma yê bindest-kedkar têkoşînêk demokratîk û meşrû keno, wazenê bi destê hukmî bêro tesfîyekerdiş. Ma reyke bîn venga nê aqilê ke kumpas û komploger ke bi huqûqî kay keno kenê; muxalefetê komelî tarîx ra heta nika tu wext hemverê tu derbeyan bêveng nêbî û fek têkoşînê xo yê têduştî, edalet û azadîye vera nêda. Ma do bêveng nêbê û fek vera nêdê.”