SILÊMANÎ - Pervîn Buldan ke serdayîşê Heyetê Îmraliyî yê gorê Celal Talebanî ser de kitabê taybetî yê gorî de îmza kerd, mesajê "Azadiya şarê kurdî ke Mam Celal hesreta ey bî, do pê bêro" pare kerd. 

 

Heyetê Îmraliyî yê Partîya Têduştî û Demokrasî (DEM Partî) bajarê Silêmanî yê Başûrê Kurdistanî de lazimîyê xo peynî kerd. Badê pêvînayîşê bi Serekê Pêroyî yê YNK'yî Bafil Talebanî, hetkarê Serekwezîrê Herêma Federalî ya Kurdistanî Kubat Talebanî û endamê Dîwanê Serekîya YNK'yî Şanah Îbrahîm Ahmet dir, gorê Celal Talebanî ame zîyaretkerdiş.

 

Deftero taybetî yê gorî ser ame îmzakerdiş

 

Pervîn Buldan ke Heyetê Îmraliyî yê DEM Partîye de ca girewte, kitabo taybetî yê gorî ser îmza kerd. Mesajê Pervîn Buldane wina yo: “Destpêkerdişê azadî û aştîya şarê kurdî ke hesreta Mam Celal ci rê estbî, yeno manaya pawitişê yadkerdişê ey. Ma soz danê ke do no tewr lez demî de pê bêro. Ma wayîrê rûmet ê ke ma dilsozîyê birêz Ocalanî yê Mam Celalî dir biresnê lajanê ey. Ez ey bi minetdarî û rêzdarî bi yad kena.”