MERKEZÊ XEBERAN- Îzmîr de polîsan eşt Keyeyê Hunerî yê Jin Artî ser o û xeylê îdarekarê DEM Partî û DBP’yî ameyê destbendkerdene.

 

Amed de zî 2 avûkatî ameyî destbendkerdene. İzmîr de zî erzîya xeylêk adresan ser û Keyeyê Hunerî yê Jîn Artî zî cigêrayîşê polîsan dewam keno. 

 

Îzmîr

 

Îzmîr de saetanê serê sibayî de polîsan eşt xeylê keyeyan ser o. Ame zanayene ke Endama Meclîsî ya Partîya Herêmanê Demokratîk (DBP) Gonul Yalçin, Endamê Meclîsî yê Partîya Têduştî û Demokrasîyî ya Şaran (DEM Partî) Sabrî Gul û Koray Turkay ameyê destbendkerdene. Kesê ke ameyê destbenkerdene berdê Mudirîya Emnîyetî ya Şaristanî. Ame zanayene ke beno ke hûmara destbendkerdeyan bizêdîya.

 

Polîsan eşt Keyeyê Hunerî yê Jin Artê ser o ke qezaya Îzmîrê Konakî de yo.

 

Ame zanayîş ke beno ke hûmara destbendkerdişan zêde bibo. 

 

Amed 

 

Endamê Komeleya Huqûqnasê semedê Azadîye (OHD) Volkan Bîlece û Hebûn Hakan Akkaya çarçewaya cipersayîşê Serdozgerîya Komare ya Amedî de ameyî destbendkerdiş. Avûkat Volkan Bîlece Mêrsîn de û Hebûn Akkaya zî Stenbol de ame destbendkerdiş. Ame zanayîş ke Akkaya ameyo derbkerdiş û heqaret ci rê ameyo kerdiş. Destê Hebûn Akkaya badê ame kelemçekerdiş û berdî Midûrîyê Emniyetî yê Bajarî. Yeno pawitiş ke avûkatan bîyarê Amed. Derheqê detayê cipersayîşî de agahî nêameyî girewtiş. Pêvînayîşê avûkatan ê bi destbendkerdişan dir semedê 24 saetan ame qedexekerdiş.