MERKEZÊ XEBERAN- Eşkerayîya kampanyaya îmzayan ê semedê waştişê, “statuyê Rojawanî” ameyo destpêkerdiş, do siba Amed de bi kombîyayîşêk çapemenîye bêro eşkerakerdiş. Nameyê 418 partî û rêxistinê sîyasî yê ke paştdayîş danê kampanyaya ke bêro eşkerakerdiş.

 

Eşkerayîya kampanyaya îmzayan ê bi sloganê, "Rojawanî rê statu, şaran rê azadî" ke semedê qebûlkerdişê statuyê Îdareyê Xoserî yê Vakur û Rojhelatê Sûrîye amebî destpêkerdiş, do bi kombîyayîşêk çapemenî rayaumûmî rê Amed de bêro neqlkerdiş.

 

Deklarasyono ke kombîyayîşê ci do saete 11.00ine de Cemîyetê Rojnamegeranê Başûrê Rojhelatî de bêro organîzekerdiş, do bêro eşkerakerdiş. Çalakîya ke do bi beşdarîya partîya sîyasî û rêxistinê sivîlî bêro organîzekerdiş de, do nameyê 418 partîyê sîyasî û rêxistinan bêro eşkerakerdiş. Sewbîna yeno pawitiş ke kombîyayîş de kampanya tewr hîra bibo û venga paştdayîşî bêro kerdiş.