WAN - Tepişteya nêweşe Hanîfe Arslana 82 serrî Zîndanê Girewteyê Tîpê Tyê Wanî ra ameye veradayîş.

 

Dayîka Aştîye Hanîfe Arslana 82 serrî ke serra 2022ine de semedê cezaya aye 6 serrî û 3 aşmî ke bi îdiayê "endamîya rêxistine " amebî birnayîş, ameye tesdîqkerdiş, pêwa xeylê nêweşîyê sey KOAH, tansiyonê berzî û şekir ameye tepiştiş. Hanîfe Arslan ke tepişyabî, Zîndanê Tîpê Tyê Wanî ra serbest ameye veradayîş.

 

Hanîfe Arslan ke zîndan ra hetê keyeyê xo ra ameye pêşwazîkerdiş.

 

'Ma tena aştîye wazenê'

 

Hanîfe Arslan ke badê zîndan ra vejîya qiseykerdişêk kilm kerd û vat: “Ma tena aştîye wazenê. Ma vatêne; 'gonî wa nêrijîyo'. Ganî êdî dayîkî mebermê. Wa berê zîndanî bêrê akerdiş û pêro hevalê ma bêrê veradayîş. Ma pêro bêguna zere de yê. Pêro kesê ke ma dir tepişte bî, zaf ciwan bî. A tewr pîle 30 serrî bî. Ez wazena pêro bêrê veradayîş.”

 

'Dayîka mi bi serran ameye sûcdarkerdiş'

 

Kênaya Hanife Arslane, Îran Çaba ke bi tahliyekerdişê dayîka xo keyfweş bîye, hetêk ra zî semedê tepişteyê sîyasî ke zîndan de yê xwemgîn bî. Îran Çaba vat: “Dayîka mi, dayîka aştîye bî û semedê aştîye têkoşîn kerdêne. Her çend dayîka mi sucdar nêbî, ganî aye tutanê xo dir, tornanê xo dir derbaz bikerdêne. Bêşik nê pêro ma acis kenê. La ma ancî zî wazenê proseso bîyaye bi aştîye bêro tacîdarkerdiş. Ez hêvî kena ke dayîka mi bibo tepişteya peyîne.”