STENBOL - Rojnamegere Eylem Babayîgit, badê destbendkerdişê 3 rojan sewqê edlîyeyê Stenbolî yê Çaglayanî kerdî.

 

Çarçewaya cipersayîşo ke hetê Serdozgerîya Komare ya Stenbolî ra ame destpêkerdiş de, rojnamegere Eylem Babayîgît 22ê çeleyî de şewe keyeyo ke ci de mendêne, ameye destbendkerdiş. Eylem Babayîgît badê 3 rojê destbendkerdişî Mudurîyê Polîsan ê Stenbolî ra sewqê Edlîyeyê Stenbolî yê Çaglayanî ameye kerdiş. 

 

Babeta sûcdarî: Xeberî 

 

Heto bîn ra rojnamegere Necla Demîr, Rahîme Karvar, Ahmet Guneş, Welat Ekîn, Vedat Orûç û Reyhan Hacîoglû ke çarçewaya eynî cipersayîşî de 17ê çeleyî de, sereştişê keyeyan de amebî destbendkerdiş, bi îdiayê “endamîya rêxistine" bi xeber û bernameyê xo yê ke viraştî, ameyî sûcdarkerdiş. Ancî ercnayîşê derheqê tecrîdê Rayberê PKK'yî Abdullah Ocalanî ser o zî mîyanê sûcdariyê rojnamegeran de ca girewt.