AMED- Şaredarîya Amedî ya Şaristanê Girdî, DÎKASUM ke seba ke problemanê cinîyan tesbît bikero û seba çareserî sîyaset û projeyî awan biko, 8 serran ra dima reyna abeno.

 

DÎKASUM ke 2001î de binyeya Şaredarîya Şaristanê Girdî de Taxa Sûrî de ameybî awankerdene, 2016î de tayînbîyayîşê qeyyûmî reyde ameybî padayene. DÎKASUM do 29ê Çeleyî de Wareyê Cuya Hempare yê Sumerparkî de reyna dest bi xebatan bikero û cinîyê ke neheqîya seypêyîya cinsîyetî vînenê û rîskê şîdetî de yê, înan rê xizmetê huqûqî û psîkolojîkî yo bêheq bido.

 

Merkez do binyeya Mudirîya Têkoşînê vera Şîdetê Cinîyan a Serekîya Daîreya Xizmetê Cinî û Keyeyî de xizmet bido.