MEEKEZÊ XEBERAN - Roniştoxê Vakur û Rojhelatê Sûrîye bi beşdarîyê heyetêk Îdareyê Xoserîya Demokratîke awbendê Tişrînî çalakîyê xo yê aştîyane dewam kenê.

 

Nobedarê awbendê Tişrînî bi 16 rojî yo çalakîya xo dewam kenê û waştişê vindarnayîşê hêrişê dewleta tirkan kenê. Ewro heyetêk Îdareya Xoserîya Demokratîke ya Vakur û Rojhelatê Sûrîye zî beşdarî çalakîya nobedarîye bî.

 

Pêwa serd û varanî zî çalakîkerê semedê vindarnayîşê hêrişan çalakîyê xo yê aştîyane dewam kenê.

 

Vizêrî zî dewleta tirkan û çeteyê aye hêrişê çalakîkeranê awbendî kerd û netîce de kesêk dinyaya xo bedelnayî û bi desan zî birîndar bîyî. Heta nika netîceya hêrişanê dewleta tirkan ê îşxalkere yê hemverê çalakîkeran de 20 kesî şehîd bîyî û zêdeyêrî 120 kesî zî birîndar bîyî.