MERKEZÊ XEBERAN - Hêrişê dewleta tirkan û koma ci ya paramîlîter SMO’yî, hemverê Rojawanî de dewam kenê û xeylêk merkezî ameyî bombavarankerdiş. 

 

Demê kewtişê rejîmê Baasî ra 8ê kanûne 2024ine ra dewleta tirkan û koma ci ya paramîlîter SMO’yî hêrişê xo Awbendê Tişrînî ser o zêde kerd. Şervanê QSD'yî hemverê hêrişan de xoverdayîşê xo dewam kenê û şar zî bi amancê vindarnayîşê hêrişan û pawitişê awbendî nobete gênê. Pêwa hêrişê awbendî xeylêk rey hêrişê herêmê bînî zî kerd. Ewro zî hêrişî dewam kerdî.

 

* Rayîrê Sirînî yê başûrê Kobanê de kargehêk viraştişê rûnê zeytûnan ame bombavarankerdiş.

 

* Dewê başûrê bajarê Kobanê ameyî bombavarankerdiş.

 

* Şewa bîne dewê bajarê Sirînî yê başûrê Kobanê bi çekanê giranan ameyî topvarankerdiş.

 

* Bajarê Zirganî yê kantonê Cizîrî bi çekanê giranan ame topvarankerdiş.