ANQARA - Reaksîyonê hemverê polîtîkaya dardekerdişî ya rejîmê Îranî yê hemverê sîyasetmedarê cinîyan ê kurdan zêde benê. Verfeka Meclisa Cinîyan ê Anqarayî yê DEM Partîye Nebahat Çalpan bale ant serê lazimîyê têkoşînêk hempar ê hemverê cezayanê dardekerdişî yê tepişteyê sîyasî Pexşan Ezîzî û Werîşe Muradî û wina vat: "Felsefeya ma ya 'Jin Jiyan Azadî' serewedaritişê ma yê hemverê tecrîdî yo." 

 

Reaksîyonê hemverê cezaya dardekerdişî ya rejîmê Îranî ke semedê tepişteyê sîyasî Pexşan Ezîzî û Werîşe Muradî, zêde benê. Siba Rojhelat de bi serkêşîya 6 partî û rêxistinê sîyasî hemverê cezaya dardekerdişî grevê pêroyî do bêro kerdiş. Pêwa ke vengdayîşê rêxistinê heqê merdiman ê mîyanneteweyî yê semedê vindarnayîşê nê cezayan bênetîce manenê, reaksîyonî her ke şinê zêde benê. Babete ser o Partîya Têduştî û Demokrasî (DEM Partî) reaksîyon mojna. 

 

Verfeka Meclîsê Cinîyan ê DEM Partîya ya Anqarayî Nebahat Çalpan polîtîkaya dardekerdişî ya Îranî hemverê sîyasetmedaranê cinîyan ê kurdan de ercna.

 

'Hemkarîya semedê dişminîyê cinî'

 

Nebahat Çalpan reaksîyon vera dardekerdişî mojna û vat: “Ma hîkayeyê cinîyanê kurdan ê ke hetê dewleta Îranî ra ameyê tepiştiş û dardekerdiş, vînenê. Demê qetilkerdişê Jîna Emînî heta nika sîyasetê rejîmî yê çewisnayîşî û çinkerdişê cinîyan roj bi roje zêde beno. Şîdetê cinîyan ser bi hawayêk sîstematîk bîyo û cezaya dardekerdişî ke ameya birnayîş, bîya prosesêk ke aktîvîstê kurdî yê sey Zeynep Celaliyan, Werîşe Muradî, Pexşan Ezîzî zî mîyan de yê. No çî mojneno ke tu tedbîrê huqûqî yê mîyanneteweyî hemverê kerdişê bêmerdimayî û bêqanûnî yê Îranî çin ê. Ne medyaya Rojhelatê Mîyanên, ne ewropa û ne zî medyaya Tirkîya hemverê nê prosesê nêqanûnî yê Îranî de hîsgêr nîyê.”

 

'Derheqê Jin Jiyan Azadî de cezaya dardekerdişî ameye dayîş'

 

Nebahat Çalpan bale ant serê muhîmîyê felsefeya Jin Jiyan Azadî ya Rojhelatê Mîyanên û wina vat: “Felsefeya Jin Jiyan Azadî dest pêkerd, açarya sloganêk ke têkoşînê cinîyanê dinya rayîr ra bena. Pêwa zulm û zordarîyê hovane yê dewleta Îranî, şar bi yewbîyayîşê xo felsefeya nê sloganî de raştê xoverdayîşî yeno. Bêşik wedaritişê peçeya ke sey tabû yena hesibnayîş, ganî sey derbeyêk rasterast serê bingeha serwerî yê hukmatê Îranî de sewîyeya mîyannetewî de bêro vînayîş.”

 

Pexşan Ezîzî: Ma semedê cuyêka azade bedel danê

 

Tirkiye de zî felsefeya 'Jin Jiyan Azadî' bi xo sey propagandayê terorî ameyîne mojnayîş. Hetê Walîtiya Amedî ra ame qedexekerdiş, bi raştî nîşaneyê ci ya ke têkoşînê cinîyanê enternasyonalîstan ê ke nê hêrişan dir xurtêr bîyê tersenê. Eşkere vejeno werte ke hemverê nê de têkoşînê zîhniyetê serdestî yê camêrdî do qetî vînî bikero û bişikino. Cumleyêke Pexşan Ezîzî estbî le bi mektuba xo wina arde bî ziwan: 'Şerîfe Muhammed, ez û cinîyê bînî yê verê dardekerdişî de tîya bedelê awankerdişê cuya azade danê. Sey cinî ma do yê yewin nêbê û ne zî ê peynî bibê. Helbet azadî çîyêk bi asanî bêro bidestkerdiş nîya; ganî bedelêk biameyîne dayîş û ma nê bedelî bi têkerdişê felsefeya Jin Jiyan Azadî dîyar kenê.' 

 

Na cumla semedê resnayîşê bawerîye û helwestêk qerardar ê pîlî mojnena. Pêro cinî nê qerarî die pêgirewtiş û îradeyê xo yê hempar mojnenê.

 

Hemverê dardekerdişî de bibê vengê hempar 

 

Nebahat Çalpan manaya pawitişê cinîyan ê Pexşan Ezîzî yê hemverê hovîtîyê DAIŞî û awankerdişê hêzê cinî wareyê komelî de ard vîr û vat: "Hemverê cewabêk bi nê rengî yê fedakar, ma venga huqûqê mîyanneteweyî û Komara Îslamî ya Îranî kenê. Îran; êdî nê dardekerdişî vindarne. No kiştiş bi destê dewlete yo. Kiştişo ke hetê dewlete ra ameyo kerdiş, nîno meşrûkerdiş. Tîya bi hawayêk eşkera kiştiş pê ame. Bi na wesîla ma venga huqûqê mîyanneteweyî û rêxistinê cinîyan yê Tirkîya kenê: Bêrê ma hemverê dardekerdişê cinîyan bi taybetî cinîyanê kurdan vengê hempar berz bikerê.”